Universis sancte matris ecclesie filiis hoc presens scriptum visuris vel audituris Robertus de Ferr[] filius et heres domini Willelmi de Ferr[] quondam comitis Derbeye salutem in domino sempiternam Noverit universitas vestra me pro me et heredibus meis et successoribus meis quibuscumque remisisse et inperpetuum quiete clamasse Willelmo de Faveriis priori Tuttesbire et ejusdem loci conventui et eorum successoribus quibuscumque omne jus et clameum quod habui vel habere potui in exigendo vel in recipiendo ab eis aliquem compotum quocumque modo de bonis mobilibus seu immobilibus ad monasterium suum de Tuttebur[] quacumque occasione pertinentibus Nec non concessi eisdem quod non possint impediri per me vel per heredes seu successores meos quoscumque quin faciant donacionem seu alienacionem bonorum suorum ad dictum monasterium spectancium cum sibi placuerint et viderint expedire Insuper concessi eisdem quod habeant et teneant statum suum integrum et illesum in omnibus et per omnia in quo fuerunt eo tempore quo recuperavi seisinam terre mee post legittimam etatem meam a manibus domine Alienore tunc regine Anglie et omnes libertates et immunitates et concessiones eisdem a predecessoribus meis et a me ipso factas eisdem confirmavi Et hec omnia pro salute anime mee et omnium antecessorum et successorum meorum eisdem duxi concedenda et confirmanda in liberam puram et perpetuam elemosinam In cujus rei testimonium presenti scripto sigillum meum apposui Hiis testibusdominis Ricardo de Herthull Sampsone de Dun militibus magistro Johanne de Weston[] Stephano de Yrton[] Willelmo de Rollist[] Matheo de Knyveton[] Ricardo Fiton[] Radulfo Barry Willelmo Hoctun[] clericis et aliis Dat[] apud Tuttebur[] die veneris post festum sancti Marci euuangeliste anno domini m cc sexagesimo secundo

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.