Hec est finalis concordia facta in curia domini Regis apud Oxoniam die Sabbati proxima post Octabas apostolorum Petri et Pauli anno regni regis Henrici filii regis Iohannis decimo nono coram Luc[a] Abbate de Abbendone Willelmo de Ebor[] Radulfo de Norwic Willelmo de Insula et Roberto de Aumary iusticiariis itinerantibus et aliis domini regis fidelibus tunc ibi presentibus inter Isabellam que fuit uxor Galfridi Sturdy petentem et Iohannem Abbatem de Oseneya tenentem de tercia parte decem acrarum terre cum pertinentiis in suburbio Oxonie quam terciam partem predicta Isabella clamabat esse racionabilem dotem suam que eam contingit de libero tenemento quod fuit predicti Galfridi quondam uiri sui in eodem suburbio et unde placitum fuit inter eos in eadem curia scilicet quod predicta Isabella remisit et quietum clamauit de se eidem Abbati et successoribus suis et ecclesie sue de Oseneya totum ius et clamium quod habuit in tota predicta tercia parte cum pertinenciis nomine dotis in perpetuum Et pro hac remissione quieta clamancia fine et concordia idem Abbas dedit predicte Isabelle quindecim solidos sterlingorum []

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.