Uniuersis sancte matris ecclesie filiis ad quos presentes littere peruenerint frater R abbas de Thama et eiusdem loci conuentus ordinis Cisterciensis Lyncolniensis diocesis salutem in domino sempiternam Nouerit uniuersitas uestra quod cum inter nos nomine nostro et ordinis nostri Cisterciensis ex parte una et abbatem et conuentum Oseneye capellam beati Thome martyris Oxonie in proprios usus obtinentium ex altera super episcopali benedictione aree de Northosney infra parochiam dicte capelle monachis ordinis nostri ibidem in perpetuum deo seruituris nuper per nobilem uirum dominum Edmundum comitem Cornubie in puram et perpetuam elemosinam concesse et collate coram venerabili patre domino Oliuero dei gracia Lyncolniensi episcopo diocesano controuersia suborta fuisset super eo quod nos abbas de Thame pro nobis et nostris prefate aree pro monasterio ibidem construendo munus benedictionis a dicto patre peteremus impendi dicti abbas et conuentus Oseneye huiusmodi benedictionem aree predicte impendi non debere firmiter asserebant allegantes et instanter proponentes huiusmodi benedictionem in magnum sui monasterii necnon et capelle sue enorme preiudicium et grauamen ex multis et variis causis coram officiali domini archidiaconi Oxonie per dictum patrem ad hoc specialiter deputato propositis tum racione iuris parochialis quod dicti canonici a dicto loco et ipsius inhabitatoribus prius habebant tum racione priuilegii eisdem a sede apostolica concessi quod nullus possit capellam uel oratorium infra parochiam suam sine diocesani et eorum consensu de novo construere tum racione vicinitatis locorum inundacionis aquarum per elevacionam dicte aree et aliis causis variis prout in dictis racionibus exhibitis dicto patri plenius continetur tandem post varias altercaciones nos litis amfractus amicabiliter euitare volentes pro bono pacis et favore religionis hinc inde pro nobis ac aliis de dicto ordine Cisterciensi quorum interest vel interesse poterit predicta fieri pure sponte et simpliciter alte et basse super plena indemnitate dictis canonicis Oseneye pro dampnis omnibus que occasione ingressus nostri vel aliorum eiusdem ordinis in aream predictam in parochia predicta vel occasione benedictionis eiusmodi possunt accidere quoquomodo in hac parte prestanda in omnibus et singulis premissis ac omnia premissa seu eorum aliquod qualitercumque contingentibus laudo diffinitioni pronuntiationi seu ordinacioni patris predicti non obstantibus priuilegiis generalibus seu specialibus cuiuscumque tenoris existant nobis seu ordini predicto communiter uel diuisim a sede apostolica uel aliunde concessis submisimus et tenore presentium submittimus ratum habituri et firmum et promittentes sub pena ducentarum librarum argenti nos curaturos et facturos cum effectu quod monachi nostri ordinis ibidem deo seruituri et alii eiusdem ordinis quorum interest vel interesse poterit ratum habebunt et firmum quicquid pater predictus sine strepitu figura vel ordine iudiciali die seruato vel non seruato laudauerit diffinierit pronunciauerit seu ordinauerit in presentia partium vel absentia si earum alterutra ad terminum assignatum non venerit in premissis seu aliquo premissorum subicientes nos compulsioni cohercioni et districtioni dicti patris et successorum suorum quod ad huiusmodi laudi diffinicionis pronunciacionis seu ordinacionis obseruacionem et dicte pene solutionem quociens et quando eam committi contigerit nos per suspensionis excommunicacionis seu interdicti sententias ac aliam quamcumque censuram ecclesiasticam de plano et sine strepitu figura et ordine iudiciali possint compellere non obstantibus dictis priuilegiis seu aliis quibuscumque priuilegiis indulgenciis seu beneficiis a iure vel principe aut alio quocumque et omnibus aliis beneficiis nobis concessis vel concedendis que nobis prodesse poterunt et huic facto obesse quantum ad submissionem ordinacionem et compulsionem predictas vel aliqua alia de predictis quibus omnibus et singulis specialiter et expresse renunciamus in hiis scriptis que omnia fideliter obseruare et in nullo contrauenire aliam uel maiorem securitatem prestare vel facere qualem et quantam dictus pater voluerit ordinare per sollempnem stipulam necnon in verbo veritatis et sacerdocii iuramus et promittimus per presentes Et nos frater W miseracione diuina abbas Oseneye et eiusdem loci conuentus quantum ad formam vim et effectum submissionis caucionis securitatis et obligacionis super omnibus dampnis supradictis occasione aliquorum de predictis nobis prestande laudi diffinicionis pronunciacionis seu ordinacionis predictarum memorati patris ordinacioni sub omni eo modo quo dicti abbas et conuentus de Thama superius promiserunt in omnibus et singulis quatenus premissa nos contingunt seu contingere poterunt et ad forum ecclesiasticum de iure canonum spectare noscuntur tenore presencium versa vice submittimus per presentes que omnia fideliter et constanter obseruare et in nullo contrauenire in forma in personis dictorum abbatis et conuentus de Thame prenotata promittimus et iuramus In quorum omnium fidem et testimonium presentibus in modum cyrographi confectis sigilla nostra alternatim sunt appensa Dat[] etc

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.