Sciant presentes et futuri quod ego Radulfus de Saucey dedi et concessi et hac presenti carta mea confirmaui deo et ecclesie beate Marie de Egnesham et monachis ibidem deo seruientibus pratum illud quod tenui de Rogero de Oyli in Estcote quod uocatur Sauceysham habend et tenend cum omnibus suis pertinenciis de me et heredibus meis prefate ecclesie et dictis monachis in perpetuum reddendo inde annuatim dicto Rogero de Oyli et heredibus suis unam libram piperis et michi et heredibus meis unum denarium ad Pascha pro omnibus seruiciis wardis consuetudinibus releuiis et demandis que de dicto prato exigi possunt Et ego Radulfus et heredes mei pratum prenominatum cum suis pertinentiis predicte ecclesie et prefatis monachis contra omnes homines tam Christianos quam Iudeos per supradictum seruitium warentizabimus in perpetuum Pro hac autem concessione donacione warentizacione et carte mee confirmacione dederunt prenominati monachi de Egnesham decem et octo marcas esterlingorum de bonis magistri Ade quondam archidiaconi Oxon[] [cuius anime propicietur deus] in gersummam Et ut hec mea donacio concessio warentizacio et carte mee confirmacio perpetuum robur optineat presenti carte mee sigillum meum apposui hiis testibus etc

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.