Notum sit omnibus fidelibus quod anno gracie m cc quinquagesimo primo quinto Idus Aprilis dominus g[illebertus] dei gracia abbas de Egnesham et eiusdem loci conuentus concesserunt et dederunt magistro Hugoni de Bureford tunc temporis rectori ecclesie de Huston[] de consensu et uoluntate eiusdem h[ugonis] et de prudencia nobilis uiri domini Henrici de Coleuille tunc temporis uicecomitis Canteb[rigie] et aliorum multorum uirorum legalium quandam partem prati sui in Hustona quod uocatur Lam [que pars iacet inter duas fossatas ad dictum magistrum et suos successores pertinentes ad modum scuti triangularis ex opposito pomerii domini Henrici de Coleuille ex altera parte strate regie et partim iacet retro curiam dicti magistri Hugonis uersus occidentem] pro omni decima et communa quam dictus h[ugo] uel sui successores possint in dicto prato exigere et reportare et in excambium pro quadam parte orti dicti h[ugonis] que pars est inter curiam dicti abbatis et columbarium et horreum dicti Hugonis Et ut hec amodo nulli ueniant in dubium sed potius perpetue memorie commendentur idcirco dictus Hugo presens scriptum signo suo signatum dictis abbati et conuentui confecit cuius transcriptum ad maiorem euidenciam successorum dicti Hugonis de uerbo ad uerbum insertum est in duobus missalibus apud Huston[] in ecclesia sancte Etheldrede Hiis testibus domino H de Coleuille fratre N etc

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.