sciant presentes et futuri quod ego Walterus Aghemundi caritatis intuitu et pro salute anime mee dedi concessi et presenti carta mea confirmaui Domui Dei et beati Iuliani de Suthampton ad sustentationem fratrum sororum ac aliorum pauperum Christi eiusdem Domus totam terram meam de Eukrebyre quam habui de dono et concessione Ricardi Foillet cum mesuagio et omnimodis aliis pertinentiis suis in liberam et perpetuam elemosinam habend et tenend in perpetuum libere et quiete reddendo tamen inde pro me et heredibus meis domino feodi duos solidos sterlingorum in festo sancti Michaelis et michi et heredibus meis unum par cyrotecarum ad Pascha pro omnibus exactionibus et demandis ad ipsum dominum et nos pertinentibus Et ego et heredes mei dictam terram cum suis pertinentiis omnibus dicte Domui Dei et beati Iuliani warantizare debemus adquietare et defendere contra omnes gentes per seruitium prenominatum In cuius rei robur et testimonium sigillum meum apposui huic scripto Hiis testibus Willelmo Spileman Roberto fratre suo Nigello de Bocland Nigello filio suo Waltero Flandrensi Willelmo Fortin Thurstano Heyrun Rogero Flandrensi et aliis Actum die sancte Fidis uirginis anno domini millesimo ducentesimo quinquagesimo

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.