Uniuersis [etc] Ricardus de Maysmor salutem in domino sempiternam Nouerit uniuersitas uestra quod cum ego [de] abbate et conuentu de Eygnesham coram iusticiariis domini regis apud Oxoniam itinerantibus anno regni regis H filii Iohannis regis lii quandam pecunie summam exegissem eandem dictis abbati et conuentui bona uoluntate mea et debite gratitudinis contemplacione precise et expresse remisi et quietam clamaui in perpetuum Insuper etiam promisi et tenore presencium me obligaui quod dictos religiosos de cetero non infestabo nec in aliquo per aliquos aliquando infestari procurabo dum tamen dicti religiosi de dimidia marca argenti et una roba quamdiu uixero annuatim ad festum sancti Michaelis de eisdem percipiendis michi satisfaciant competenter sed magis eorundem honorem et domus sue promocionem per me et per alios pro posse meo in perpetuum procurabo Si uero contingat contra presencium tenorem me in aliquo uenire quod absit renuncio omni excepcioni cauillacioni impetracioni et omni iuris remedio canonici et ciuilis quod michi possit racione premissorum in aliquo prodesse et dictis religiosis obesse In cuius [etc] Datum die Sabbati proxima ante festum sancti Kenelmi regis et martyris anno domini m cc lx octauo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.