Uniuersis Christi fidelibus [etc] Willelmus filius Ranulfi Sewi de Abendone salutem in domino Nouerit uniuersitas uestra me concessisse remisisse et quietum clamasse pro me et heredibus meis in perpetuum domino Iohanni tunc abbati de Eygnesham et eiusdem loci conuentui totum ius meum et clamium quod habui uel aliquo modo habere potui in una carucata terre cum tribus molendinis et omnibus aliis pertinentiis suis que fuerunt aliquando Humfridi Huthewlf aui mei in Eygnesham ita scilicet quod nec ego Willelmus nec aliquis heredum meorum nec aliquis alius pro me nec pro heredibus meis in predicta carucata terre et predictis molendinis cum pertinentiis nec in aliqua eorundem parte aliquod ius uel clamium habere possimus uel uendicacionem in perpetuum Et pro hac concessione [etc] dederunt michi predicti abbas et conuentus quadraginta solidos argenti pre manibus in gersummam Et quia uolo [etc] hiis testibus dominis Willelmo le Brun Radulfo de Diue Fulcone de Ruycote militibus Roberto le Eyr tunc balliuo de Wodestoke Ricardo Maurdin de Wodestoke Willelmo de Sancto Audoeno de Haneberge Willelmo le Megre Iohanne le Porter de Eygnesham et aliis Datum apud Oxoniam die sancte Marie Magdalene anno regni regis Henrici filii regis Iohannis quinquagesimo secundo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.