Hec est conuencio facta inter dominum Iohannem tunc abbatem Egnesham et eiusdem loci conuentum ex parte una et Walterum Mobray mercatorem Oxon[] ex altera uidelicet quod prefati abbas et conuentus concesserunt dicto Waltero pro seruicio suo viginti duos solidos annui redditus in Oxonia quamdiu uixerit uidelicet de selda quam Robertus Bodin tenet iuxta uenellam Sewy ex parte boreali uiginti solidos ad quatuor anni terminos statutos et per manus dictorum abbatis et conuentus duos solidos ad Pascha in eadem uilla Et si forte contingat quod predicti uiginti solidi de selda dicti Roberti Bodin aliquo tempore non possint leuari prefati abbas et conuentus supplebunt defectum de aliis redditibus eorum in Oxonia et prefati abbas et conuentus [etc] quoad uixerit ita tamen quod statim post obitum dicti Walteri reuertatur dictus redditus ad prefatos abbatem et conuentum et ad eorum successores In huius rei [etc] hiis testibus Henrico Oweyn tunc maiore Oxonie N de Kingestone W le Spicer Philippo de O Iohanne de O

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.