Preceptum fuit vicecomiti et cetera quod distringeret omnes sectatores curie abbatis C de C per omnes terras et cetera et quod de exitibus et cetera et quod haberet corpora eorum hic ad hunc diem ad faciendum recordum loquele que fuit in eadem curia per breue regis de recto jnter Julianam filiam Galfridi de Minty petentem et Adam Fraunceis de eadem tenentem de septem acris terre cum pertinenciis in Minty vnde eadem Juliana queritur se falsum sibi factum fuisse judicium in eadem curia et quod summoneret predictum Adam quod esset hic auditurus recordum illud Et Juliana et Adam veniunt et similiter predicti sectatores et proferunt predictum recordum in hec uerba Ad halimotum tentum die Sabbati proxima post festum s Vincencii martiris anno r[egni] r[egis] e[dwardi] quinto Juliana que fuit vxor Walteri de Minty Margeria et Alicia sorores eiusdem Juliane tulerunt breue domini regis de recto secundum consuetudinem manerii de C in hec uerba Eadwardus Dei gracia et cetera balliuis abbatis C de C salutem Precipimus vobis et cetera quod plenum rectum teneatis Juliane que fuit vxor Gilberti Wat[] de Minty Margerie filie Galfridi Ricardo de Pirie et Alicie vxori eius de septem acris terre cum pertinenciis in Minty quas Adam Fraunceis eis deforciat et cetera Et predicta Juliana et alie affidauerunt de prosequendo Et jdeo consideratum fuit quod predictus Adam summoneretur ad proximum halimotum C tentum die Sabbati proxima post festum b Petri ad cathedram ad respondendum et cetera Ad quod halimotum predicta Juliana et alie venerunt per quendam Henricum de Minty attornatum suum Optulerunt se uersus predictum Adam Fraunceis qui secundum consuetudinem manerii de C summonitus fuit simpliciter Non venit et cetera Ideo secundum consuetudinem et cetera quod summoneretur per testes veniendi ad proximum halimotum quod fuit die Sabbati proxima post festum s Gregorii pape Ad quod halimotum predicta Juliana et alie venerunt Optulerunt se per attornatum suum uersus predictum Adam qui non venit Ideo consideratum fuit quod idem Adam fuisset districtus et districtio dimissa ad propriam pleuinam secundum consuetudinem manerii predicti et quod fuisset ad halimotum tentum die Sabbati in vigilia clausi Pasche Ad quod halimotum predicta Juliana et alie venerunt Optulerunt se uersus predictum Adam qui non uenit Ideo consideratum fuit quod districtus esset et districtio dimissa ad alienam pleuinam secundum consuetudinem et cetera et quod esset ad halimotum die Sabbati proxima post festum s Aldhelmi Ad quod halimotum predicta Juliana et alie venerunt Optulerunt se uersus predictum a[dam] qui venit Et predicta Juliana et alie dicebant quod idem a[dam] Fraunceis iniuste deforciat eis septem acras terre cum pertinenciis in Minty et cetera Et predictus Adam et cetera petiit visum terre et habuit Et datus est dies halimoti die Sabbati proxima post festum s Johannis Baptiste Ad quod halimotum dictus Adam fuit assoniatus Et datus fuit ei dies halimoti die Sabbati proxima post festum s Kenelmi Ad quod halimotum dicta Juliana et Alic[] optulerunt se per attornatum suum uersus predictum Adam qui presens fuit et dicebant quod eis iniuste deforciat septem acras terre cum pertinenciis in Minty et eo iniuste quia quedam Reynilda obiit inde vestita et seysita in dominico suo ut de feodo secundum consuetudinem manerii predicti tempore regis et cetera capiens expleta et cetera Et de ipsa Reynilda descendit jus et descendere debet cuidam Galfrido ut filio et heredi Et de dicto Galfrido descendit jus et descendere debet predictis Juliane Margerie Ricardo et Alicie ut filiabus et heredibus dicti g[alfridi] secundum consuetudinem dicti manerii de C Traxerunt sectam et cetera Et predictus Adam venit et defendit in jure vim et jus quando et cetera predictarum et cetera et dicit quod non tenetur eis respondere eo quod predictus g[alfridus] pater earundem de cuius seysina et cetera predictas septem acras terre petunt non obiit vestitus nec seysitus set ipsas in ligia potestate sua in pleno halimoto C sursum reddidit in manus abbatis Rogeri pro se et heredibus suis et eandem terram predicto abbati in perpetuum quietum clamauit et hoc per magnum tempus ante mortem suam qui abbas predictas septem acras terre cum pertinenciis predicto Ade Fraunceis tradidit tenend reddendo per annum xviii d fenizones bederipas et alias consuetudines secundum consuetudinem manerii de C Et quod ita sit et quod maius jus habeat ad predictam terram tenend et habend prout ipsam tenet quam predicta Juliana Margeria Ricardus et Alicia uel aliquis alius racione predicta ponit se super halimotum ad lucrandum uel perdendum Et predicta Juliana Margeria Ricardus et Alicia ex transuerso dicunt quod predictus g[alfridus] pater earundem nunquam predictas septem acras terre in manus predicti abbatis sursum reddidit set inde obiit vestitus et seysitus et quod habent maius jus ad predictam terram tenend et habend prout ipsam petunt quam predictus Adam Fraunceys prout ipsam tenet uel aliquis alius Ponunt se super halimotum predictum ad lucrandum uel perdendum Vnde de consensu parcium electi fuerunt xii probi et legales homines ad faciendam istam juratam in forma magne assise prout moris est Qui uenerunt et dixerunt super sacramentum suum quod predictus g[alfridus] non obiit de predictis septem acris terre vestitus nec seysitus set quod ipsas sursum reddidit in manus abbatis Rogeri et quod idem abbas predictam terram cum suis pertinenciis predicto Ade tradidit tenend ut predictum est et quod predictus a[dam] Fraunceis maius jus habet ad predictam terram tenend et habend prout ipsam tenet quam predicta Juliana Margeria Ricardus et Alicia prout ipsam petunt Et jdeo consideratum est quod predictus a[dam] terram habeat et teneat secundum consuetudinem manerii de C Et predicta Juliana Margeria Ricardus et Alicia in misericordia pro falso clamore Et quia per jnquisicionem eiusdem recordi compertum est quod rite processum est in predicta loquela et in nullo in eo erratum est eo quod partes gratis de consensu proprio posuerunt se in predictam juratam loco magne assise regis quo terminatum est jus in perpetuum nec predicta Juliana aliquid ad falsandum recordum predictum scit dicere seu judicium inde redditum infirmare consideratum est quod predictum judicium bonum sit et legale Et predicta Juliana nichil capiat per hoc breue set sit in misericordia pro falso clamore

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.