Sciant [etc] quod nos Thomas dei permissione abbas Egneshamie et eiusdem loci conuentus dedimus [etc] Nicholao filio Ricardi de Hockele pro homagio et seruicio suo unum mesuagium in noua terra de Egnesham quod est iuxta mesuagium Petri le porter et duodecim acras et dimidiam terre arrabilis et duas acras prati in campis de Egnesham quarum tres acre et dimidia acra iacent apud le Mulmore iuxta terram Walteri Bacon et una acra apud Caluecroft iuxta terram Radulfi ad ecclesiam et una acra que extendit in uia que ducit uersus Hamstalle iuxta terram quam Adam Peres tenet et una acra super Waltone forlong iuxta terram Walteri Bacon et una dimidia acra apud Hemehurst iuxta terram dicti Walteri et una dimidia acra in eadem cultura iuxta terram quam Adam Bedellus tenet et una acra apud Chaldewelle iuxta terram dicti Walteri et due acre et dimidia acra super le Hurst apud Langedale iuxta terram elemosinarii et una acra et dimidia in eadem cultura iuxta terram quam Liger de Frith tenet et due acre prati iacent in Langemede iuxta pratum nostrum tenend et habend dictum mesuagium terram et pratum cum pertinenciis de nobis et successoribus nostris sibi et heredibus suis libere quiete pacifice in perpetuum reddendo inde nobis annuatim quinque solidos argenti ad quatuor anni terminos uidelicet ad festum sancti Michaelis ad festum sancti Thome apostoli ad festum beate Marie in Marcio et ad festum beati Iohannis Baptiste pro equis porcionibus diuidendos et faciendo sectam curie nostre de tribus septimanis in tres septimanas et falcabit in Wyrsseia uno die et ibidem fenum leuabit et cariabit et unam faciet arruram cum quanto habuerit in caruca et ad bederipia in propria persona supererit messoribus pro omnibus seruiciis consuetudinibus et demandis saluo forinseco seruicio Et nos dictum mesuagium terram et pratum cum pertinenciis eidem Nicholao et heredibus suis contra omnes homines in perpetuum warantizabimus per predictum seruicium Concessimus eciam eidem Nicholao post obitum Lucie relicte Radulfi filii clerici illam terram cum prato quam dicta Lucia tenet nomine dotis de terra et prato quod dictus Radulfus aliquando tenuit Et si dictus Nicholaus suiue heredes aliquid de permissis quandocunque uendere seu qualitercunque alienare uoluerint uolumus ut primo nobis offeratur et ut omnibus aliis tali contractui simus propinquiores Et ut premissa perpetue firmitatis robur optineant presentibus sigilla nostra apponi fecimus et dictus Nicholaus alteri parti in modum cyrographi confecto signum suum apposuit Hiis testibus Roberto le Eir balliuo de Wodestoke Willelmo de Sancto Audoeno Ada de Dunhalle Iohanne de Leya Willelmo clerico de Egnesham Ricardo Halewy Ricardo Bacon et aliis Datum et actum Egneshamie in festo sancti Andree apostoli anno domini m cc lxxx primo et regni regis Edwardi decimo incipiente

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.