Omnibus [etc] Thomas permissione diuina abbas Egneshamie et eiusdem loci conuentus salutem Nouerit uniuersitas uestra nos tradidisse Roberto Belegraue piscariam nostram in Tamisia de Egnesham ad firmam quo ad uixerit pro quadraginta solidis sterlingorum ad quatuor anni terminos pro equalibus porcionibus diuidendis nobis et successoribus nostris sine difficultate soluendis uidelicet ad festum sancti Michaelis ad festum sancti Thome ad festum sancte Marie in Marcio et ad festum sancti Iohannis Baptiste ita tamen quod non liceat dicto Roberto dictam piscariam alicui dimittere seu alienare quocunque titulo seu colore sine uoluntate et concensu nostro expresso Et si contingat dictum Robertum in solucione predictorum quadraginta solidorum aliquo termino uel terminis deficere liceat nobis ipsum in domo et extra domum per omnia catalla sua ubicunque fuerint inuenta distringere et dictus Robertus prata nostra iuxta Tamisiam custodiet et pro eis respondebit si quod dampnum per eius defectum incurrerimus Dicto autem Roberto in fata decedente dicta piscaria cum omnibus suis pertinenciis libere et sine contradiccione alicuius ad nos redibit ita quod ipso mortuo dictam piscariam ad proprios usus retinere uel de ea pro libito nostre uoluntatis secundum quod nobis utile uisum fuerit sine impedimento suorum heredum uel alicuius alterius disponere possimus Et ad maiorem huius rei securitatem huic presenti scripto in modum cyrographi confecto [partes] alternatim sigilla sua apposuerunt Hiis testibus dominis Ricardo de Wyllamescote Henrico de la Wade militibus Roberto le Heyr tunc balliuo de Wodestoke Willelmo de Sancto Audoeno Ada de Dunhalle Willelmo clerico de Egnesham et Ricardo Halewy de eadem et aliis Datum apud Egnesham die Inuencionis sancte Crucis anno regni regis Edwardi xii

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.