Rogerus Extraneus iusticiarius foreste etc custodi foreste de Wichewode uel eius locum tenenti salutem Cum nuper ex mandato domini regis nobis directo uobis mandauerimus quod permitteretis abbatem et conuentum de Egnesham totam terram suam que est inter Bladenham et chiminum petrinum in balliua uestra assartare et assartatam tenere iuxta tenorem carte predecessoris domini regis quam idem dominus rex inspexit et terram illam inter assarta non numeratam tenere prout idem abbas et conuentus racionabiliter eam assartare et tenere consueuerunt temporibus retroactis uos mandatum domini regis et nostrum contempnendo predictum abbatem et suos super hoc perturbatis et multipliciter grauatis in ipsorum dispendium et grauamen super quo uobis iterato mandamus firmiter iniungentes quod non obstante ullo precepto nostro per uestram suggestionem uobis facto predictum abbatem et suos terram suam predictam assartare et sic assartatam in pace et sine perturbacione uestri aut uestrorum tenere permittatis secundum tenorem et formam concessionis predicte Et hoc sicut uos indempnes conseruare uolueritis non omittatis ne pro contemptu uestri contingat uos grauiter amerciari Datum London[] die dominica proxima post festum sancti Ualentini martiris anno regni regis E xiiii

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.