Omnibus Cristi fidelibus presens scriptum uisuris uel audituris Hugo de Euer miles salutem in domino Noueritis me teneri magistro Waltero de Fodringeye principali et sociis suis scolaribus domus dicte de Balliolo Oxonie in uiginti duabus libris decem solidis et decem denariis quas recepi de centum libris quondam testamento domini Iohannis de Balliolo debitis per dominum Alanum filium Comitis et in subsidium perpetuacionis domus predicte per me et coexcutores dicti testamenti assignatis dictis scolaribus uel eorum certo attornato soluendis loco et terminis per eosdem cum consilio fratris Ricardi de Sclykeburne michi prefigendis sine ulteriori dilacione Quod si non fecero uolo teneri ad dampna si que incurrerint et ad expensas si quas fecerint pro defectu pecunie modo predicto non solute secundum taxacionem simplicis uerbi sui attornati sicud ad solucionem principalis debiti supradicti et ad omnia et singula supradicta fideliter modo supradicto obseruanda obligo me et heredes meos et omnia bona nostra mobilia et immobilia distringenda per quemcumque iudicem uel balliuum secundum quod dictis scolaribus plus poterit prodesse et nobis magis obesse quousque in omnibus et singulis supradictis sibi fuerit modo predicto plenarie satisfactum et in huius rei testimonium presenti scripto sigillum meum apposui Dat[] apud Engleby die Iouis proxima post festum sancti Ualentini martiris anno domini mcc octogesimo sexto

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.