Omnibus Christi fidelibus ad quos presens scriptum peruenerit Robertus dei gracia Lincolniensis episcopus salutem in domino Officii pastoralis est prouidere pauperibus ut cum securitate et sine lite percipienda percipiant quibus frequencius debita subtrahuntur et soluta cum contencione et anxietate soluuntur Cum igitur abbas et conuentus Egneshamie patroni ecclesie de Wytefelde nostre diocesis ab antiquo consueuerunt percipere triginta summas frumenti et duas marcas argenti annuas a rectoribus eiusdem ecclesie quas dicti rectores cum difficultate et contencione persoluebant nos quibus ex officio nobis iniuncto incumbit paci et tranquillitati religiosorum prouidere auctoritate pontificali statuimus et ordinamus de dictorum abbatis et conuentus consensu perpetuam uicariam in dicta ecclesia de Witefelde taxatam et estimatam per archidiaconum Norhamton[] et per capitulum loci que quidem uicaria consistit in toto alteragio dicte ecclesie et in duabus uirgatis terre cum pertinentiis que sunt de dominico ipsius ecclesie et in omnibus decimis tam garbarum quam feni de dominico domini ipsius uille et in decimis molendinorum dicte parochie una cum manso spectante ad dictam ecclesiam Dictus autem uicarius qui pro tempore fuerit in dicta ecclesia perpetuo personaliter residebit et in ordinariis omnibus respondebit excepto quod monachi archidiaconum loci racione uisitationis procurabunt iidemque monachi totum residuum percipient in perpetuum nomine eorum que percipere consueuerunt saluo etiam eisdem iure patronatus presentandi ad dictam uicariam saluis eciam in omnibus episcopalibus consuetudinibus et Lincolniensis ecclesie dignitate Quod ut perpetuam optineat firmitatem presenti scripto sigillum nostrum duximus apponendum Hiis testibus [domino Iohanne archidiacono Oxon[] magistris Roberto de Kaden[] Rogero de Campeden[] dominis Iohanne de Biham Iohanne de Crackel[] canonicis Lincolniensibus magistro Gilberto de Biham domino Ricardo de Pokelinton[] capellano Simone de Ardern[] Benedicto de Burgo Stephano de Castell[o] Rogero de Fretewelle clericis et aliis Datum apud Bannebur[] iiii Kalendas Augusti pontificatus nostri anno sexto]

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.