Pateat uniuersis ad quos peruenerit hec scriptura quod ego Nicholaus de Chirebantone rector ecclesie de Mikeltone Wigorniensis diocesis spontanea uoluntate renuncio omni iuri michi uel ecclesie mee premisse aut successoribus meis in ipsa competenti uel competituro ex processu habito coram magistro Willelmo Pikerel tunc officiali domini Wigorniensis episcopi ex officio procedenti contra religiosos uiros abbatem et conuentum monasterii beate Marie de Egnesham super decimis garbarum et aliis minutis decimis predialibus et personalibus quas infra limites ecclesie de Mikeltone memorati religiosi perceperunt [et] possederunt diucius in quiete decimis etiam prelibatis et uniuerso iuri et peticioni que michi uel ecclesie mee premisse aut meis successoribus in eadem competunt uel in posterum in ipsis competere poterunt ad easdem in totum renuncio non coactus fideliter promittens et prestito corporaliter iuramento quod ipsi processui aut peticioni decim[arum] per me uel per alium non innitar nec alium nouum super decimis prelibatis aliquociens inchoabo aut ab aliis incoando aliquatenus inherebo per quem possessio dictorum religiosorum interrumpi ualeat uel turbari In cuius rei testimonium sigillum meum et sigillum decanatus beate Marie de Archubus London[] ad instanciam meam presentibus magistro Gregorio de Kayrwent rectore ecclesie de Blokeley fratre Uiuiano monacho Eygnesham[] Willelmo de Chirintone H de Newentone clericis ad hoc rogatis istis litteris sunt appensa Dat[] Londoniis decimo Kalendas Februarii anno domini m cc lxx septimo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.