Sciant presentes et futuri quod ego Ricardus de Oxonia dedi concessi et hac presenti carta mea confirmaui Iohanni Marscallo unam seldam meam sub domo Philippi Notarii in parochia sancti Petri orientalis Oxonie que sita est inter tenementum dicti Iohannis ex parte occidentali et hostium domus dicti Philippi ex parte orientali extra portam orientalem Oxonie in suburbio eiusdem uille habend et tenend dictam seldam sicut sita est in longitudine et latitudine cum pertinentiis de me et heredibus meis uel meis assignatis dicto Iohanni et heredibus suis uel suis assignatis libere quiete bene et pacifice iure et hereditario in perpetuum reddendo inde annuatim michi de heredibus meis uel meis assignatis ipse et heredes sui uel sui assignati unum acum ad festum sancti Michelis pro omni seruitio seculari exactione et demanda et ego predictus Ricardus et heredes mei uel mei assignati warantizabimus acquietabimus et defendemus dictam seldam cum pertinentiis dicto Iohanni et heredibus suis uel suis assignatis contra omnes gentes mares et feminas tam Iudeos quam Cristianos per predictum seruitium Pro hac autem donatione concessione warantizatione acquietatione defensione et presentis carte nostre confirmatione dedit michi dictus Iohannes uiginti et sex solidos sterlingorum in gersummam pre manibus Et ut hec omnia predicta firma et stabilia permaneant in perpetuum hanc cartam sigilli mei inpressione corroboraui hiis testibus Nicholao de Kingestune tunc maiore Oxonie Galfrido Aurifabro Nicholao de Colleshelle tunc balliuis Iohanne de Filleking Elya le Quilter Stephano le Bokbindere Willelmo Pille Roberto Marscallo Philippo Notario et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.