Omnibus Cristi fidelibus presens scriptum uisuris uel audituris Deruorguilla de Galewythia domina de Balliolo salutem in domino sempiternam Ad uniuersitatis uestre noticiam uolumus peruenire quod nos ordinauimus fecimus et constituimus dilectos nobis in Cristo magistrum Willelmum de Menyl et dominum Iohannem de Castre Bernard[] scolares Oxonie uel eorum alterum si ambo presentes esse non poterunt attornatos nostros uel atornatum nostrum ad petendum recipiendum et retinendum seysinam de tribus areis simul iacentibus in Horsmongerestrete in parochia beate Marie Magdalene in suburbio Oxonie inter terram quondam Galfridi le Sauser ex parte una et Walteri Feteplace ex altera quas quidem areas de Iohanne de Ew burgensi Oxonie emimus et ab eodem Iohanne uel a Thoma filio suo et herede uel ab utroque secundum quod atornati nostri predicti melius ad opus nostrum uiderint expedire nos et heredes nostri et nostri assignati infeodari debemus cum edificiis et omnibus suis pertinenciis secundum quod in quadam carta inde confecta plenius continetur Ordinauimus eciam fecimus et constituimus dictos magistrum W et dominum I atornatos nostros coniunctim et diuisim ad donandum seysinam earundem arearum cum dictis edificiis et omnibus suis pertinenciis cuicumque seu quibuscumque et quandocumque ipsas nos dare legare uendere uel assignare contigerit ratum habentes et gratum quicquid duo atornati predicti uel eorum alter circa dictarum arearum seysinam petendam capiendam retinendam seu conferendam nomine nostro duxerint uel duxerit faciendum In cuius rei testimonium has litteras nostras sigillo nostro signatas dictis nostris atornatis transmisimus patentes Dat[] apud Castrum nostrum de Fodringeye in festo sancti Iohannis ante portam Latinam Anno domini mcc octogesimo quarto

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.