In Dei nomine Amen Anne gratiae m cc octogesimo quarto ecclesia nostra Saresburiensis per mortem bonae memoriae magistri Roberti de Wychamptone nuper episcopi nostri vacante corpore ipsius episcopi in ecclesia nostra solemni prout decuit tradito sepulturae Nos canonici qui tunc fuimus in ecclesia ipsa praesentes petita prius prout moris est a domino nostro rege licentia eligendi et obtenta habito super hoc in capitulo nostro tractatu in communi assignavimus diem lunae proximam post festum S Johannis Baptistae ad tractandum de electione futuri pontificis et electionem ipsam disponente Domino celebrandam et ad diem ipsam absentes fratres qui de consuetudine ecclesiae vocari debuerunt fecimus sicut moris est evocari Qua die adveniente praesentibus in capitulo nostro omnibus qui debuerunt voluerunt et potuerunt commode interesse videlicet viginti et septem canonicis personaliter et sex per procuratores quorum nomina inferius in scrutinio annotantur invocataque Sancti Spiritus gratia lectis absentium procuratoriis et approbatis et lecta constitutione Concilii generalis Quia propter habito tractatu super formis in eadem contentis placuit omnibus et singulis in negotio electionis hujusmodi procedere per viam scrutinii sicque de unanimi assensu omnium electi fuerunt tres viri fidedigni de capitulo ipso videlicet magistri Johannes [de Burton] praecentor Rogerus Baret et Will de la Wyle qui singillatim et secrete vota singulorum et sua exquirerent et redigerent fideliter in scripturam Qui secedentes in partem vota singulorum et sua exquisiverunt et in scriptis fideliter redacta mox coram toto capitulo publicarunt in communi in haec verba Ego Johannes praecentor consentio in magistrum Walterum decanum nostrum et ipsum nomino in episcopum nostrum eligendum Ego Rogerus Baret consentio in decanum nostrum et ipsum nomino in episcopum nostrum eligendum Ego Willelmus de la Wyle consentio in decanum nostrum et ipsum nomino in episcopum nostrum eligendum Ego Walter us decanus nomine meo et nomine magistri Willelmi de la Cornere et Willelmi Burnel quorum sum procurator consentio in dominum Johannem praecentorem et ipsum nomino in episcopum nostrum eligendum Ego Symon [de Micham] cancellarius consentio in decanum nostrum et ipsum nomino in episcopum nostrum eligendum Ego Nicholaus [longespee] thesaurarius nomine meo et nomine magistri Ricardi de Clifford cujus sum procurator consentio in magistrum Henricum [de Brandestone] archidiaconum Dorset et ipsum nomino in episcopum nostrum eligendum Ego [joh de Saunde] abbas de Scyreborne consentio in decanum nostrum et ipsum nomino in episcopum nostrum eligendum Ego Johannes [de Derby] decanus Lychefeld consentio in decanum nostrum et ipsum nomino in episcopum nostrum eligendum Ego Radulphus [de Fernham] archidiaconus Subburiensis consentio in magistrum H archidiaconum Dorset[ensem] et ipsum nomino in episcopum nostrum eligendum Ego Willelmus [de Schireborn] subdecanus consentio in decanum nostrum et ipsum nomino in episcopum nostrum eligendum Ego Willelmus [de Cerdestoke] poenitentiarius consentio in magistrum archidiaconum Dorset[ensem] et ipsum nomino in episcopum nostrum eligendum Ego Johannes [de Middleton] succentor consentio in decanum nostrum et ipsum nomino in episcopum nostrum eligendum Ego Galfridus de Muleborne consentio in decanum nostrum et ipsum nomino in episcopum nostrum eligendum Ego Thomas de Grano consentio in decanum nostrum et ipsum nomino in episcopum nostrum eligendum Ego Johannes do Polliberge consentio in decanum nostrum et ipsum nomino in episcopum nostrum eligendum Ego Stephanus de la Wyle consentio in decanum nostrum et ipsum nomino in episcopum nostrum eligendum Ego Galfridus de Insula consentio in decanum nostrum et ipsum nomino in episcopum nostrum eligendum Ego Henricus de Esse consentio in decanum nostrum et ipsum nomino in episcopum nostrum eligendum Ego Thomas de Ryptone nomine meo et nomine Willelmi de Stok cujus sum procurator consentio in decanum nostrum et ipsum nomino in episcopum nostrum eligendum Ego Willelmus Deneys consentio in Thomam de Grano et ipsum nomino in episcopum nostrum eligendum Ego Johannes de Leycestre consentio in decanum nostrum et ipsum nomino in episcopum nostrum eligendum Ego Wymundus consentio in decanum nostrum et ipsum nomino in episcopum nostrum eligendum Ego Rogerus de Fromptone consentio in decanum nostrum et ipsum nomino in episcopum eligendum Ego Laurentius de Hakborne consentio in decanum nostrum et ipsum nomino in episcopum nostrum eligendum Ego Robertus de Stroda nomine meo et nomine dominorum Hugonis de la Penne et Willelmi de Ewelme quorum sum procurator consentio in decanum nostrum et ipsum nomino in episcopum nostrum eligendum Habita demum collatione numeri ad numerum inventum est de praedictis canonicis viginti et unum personaliter et tres per procuratores consensisse in praefatum dominum Walterum decanum quatuor vero personaliter et unum per procuratorem in magistrum Henricum archidiaconum Dorset[ensem] unum vero personaliter et eundem nomine duorum quorum erat procurator in dominum Johannem praecentorem unum vero in magistrum Thomam de Grano unde cum numerus consentientium in decanum longe majorem partem totius capituli excederet habita collatione diligenti de zelo eligentium et meritis electorum licet singuli bono zelo moveri viderentur tamen quia numerus consentientium in decanum adeo excedebat quod electio de ipso decano facienda merito fuerat praeferenda tandem omnes in eundum decanum virum utique moribus et vita perspicuum virtutibus praeditum sapientia et discretione probatum ac in spiritualibus et temporalibus circumspectum unanimiter consenserunt et injunxerunt ac mandarunt dicto domino Johanni praecentori quod ipsum decanum vice omnium et sua eligeret sibi et ecclesiae suae Sarum in episcopum et pastorem Qui de assensu et mandato totius capituli eundem elegit et electionem suam in scriptis pronuntiavit in haec verba Ego Johannes praecentor ecclesiae Sarum vice et mandato omnium fratrum et canonicorum consentientium in venerabilem virum dominum Walterum decanum nostrum vice et mandato totius capituli et mea ipsum eligo nobis et ecclesiae nostrae Sarum in episcopum et pastorem Qui diu refugiens et reluctans tandem ad preces et instantiam nostram se voluntati divinae committens electioni de se factae consensit Nosque post decantationem hymni consueti Te Deum laudamus electionem ipsam sic rite et canonice celebratam concordem et unanimem clero et populo fecimus solemniter publicari In cujus rei testimonium praesens decretum sigillo nostro communi necnon et sigillis singulorum nostrum loco subscriptionum fecimus roborari Datum et actum in capitulo nostro Sarum die lunae supradicto anno Domini m cc lxxx quarto

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.