Sciant presentes et futuri quod nos Matildis dicta de Binne Oxonie et Gilbertus de Grenestede et Robertus de Drihille executores testamenti dicti Iohannis de Binne pro nobis et heredibus ac assignatis nostris dedimus concessimus et hac presenti carta nostra confirmauimus magistro Waltero de Fodringeye canonico Lincolniensi et heredibus suis ac assignatis quibuscumque totum illud tenementum cum domibus et omnibus aliis pertinenciis quod fuit dicti Iohannis de Binne in parochia sancti Iohannis de Mertone iacens inter aulam que dicitur sancti Albani ex parte una et aulam que dicitur le Lombhalle ex parte altera habend et tenend dictum tenementum integre cum domibus curtilagio et omnibus aliis pertinenciis dicto magistro Waltero et heredibus suis ac assignatis quibuscumque de capitalibus dominis feodi illius in perpetuum faciendo eis inde seruicia debita et consueta ita quod nec ego dicta Matildis racione alicuius iuris uel possessionis michi nomine meo in dicto tenemento ex testamento vel dono quocumque eiusdem Iohannis competentis nec nos eadem Matildis et Gilbertus ac Robertus executores prenominati nomine executorio aliquid iuris possessionis vel clamei cuiuscumque exnunc in dicto tenemento in perpetuum uendicare possimus Et ego prefata Matildis tam nomine meo proprio quam ego ipsa et dicti Gilbertus et Robertus executores predicti nomine executorio quantum ad nos pertinet dictum tenementum cum omnibus suis pertinenciis prelibatis prefato magistro Waltero et heredibus suis ac assignatis quibuscumque warantizabimus acquietabimus et defendemus in perpetuum Pro hac autem donacione concessione et presentis carte nostre confirmatione ac warantizatione dedit nobis prefatus magister Walterus triginta marcas sterlingorum pre manibus Ut ergo omnia predicta firma et stabilia sine dolo permaneant inperpetuum presentem cartam sigillorum nostrorum impressione roborauimus die Martis proxima post festum sancti Bartholomei apostoli anno domini mccc decimo et ad maiorem huius rei securitatem sigillum decani Oxonie procurauimus presenti carte apponi In cuius eciam presencia ego prefata Matildis corporale prestiti sacramentum quod nunquam in dicto tenemento aliquid iuris vel possessionis per me petam vel nomine meo quacumque racione vel occasione per alium peti permittam Hiis testibus Iohanne de Dokelintone tunc maiore Oxonie et Ricardo de Berkele et Willelmo le Katour tunc balliuis eiusdem Ricardo le Spicer Roberto de Wrmenhale Iohanne de Colsilhille Thoma le Mareschall Henrico de Lenne Willelmo de Burcestre Willelmo Pennard et multis aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.