Nouerint universi hoc scriptum visuri uel audituri quod ego Matildis dicta de Binne relicta quondam Iohannis de Binne Oxonie pro me et heredibus meis ac assignatis quibuscumque dedi concessi et omnino quietum clamaui in perpetuum magistro Waltero de Fodringeye canonico Lincolniensi et heredibus suis ac assignatis quibuscumque totum ius et clameum quod habui uel habere potui usque ad terminum vite mee in toto illo tenemento cum omnibus suis pertinenciis quod habui ex dono uel testamento dicti Iohannis quod quidem tenementum iacet in parochia sancti Iohannis de Mertone Oxonie inter tenementum quod uocatur le Lombhalle ex parte una et tenementum quod uocatur sancti Albani ex parte altera ita quod nec ego per me nec alius quicumque nomine meo possim nec possit in prefato tenemento cum suis pertinenciis quacumque racione vel occasione aliquid iuris vel possessionis seu clamei cuiuscumque ex nunc in perpetuum vendicare In cuius rei testimonium sigillum meum presenti scripto apposui die Iouis proxima post festum sancti Bartholomei apostoli anno domini millesimo trecentesimo decimo et ad maiorem huius rei securitatem sigillum decani Oxonie presenti scripto procuravi apponi In cuius quidem decani presencia ad omnia premissa fideliter obseruanda tactis sacrosanctis ewangeliis corporale prestiti iuramentum Et ego Robertus de Blebyryl tunc decanus Oxonie presenti scripto sigillum decanatus apposui in testimonium premissorum Dat[] et act[] Oxonie die et anno supradictis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.