Hec est conuentio facta inter Henricum de Gamage et Agatham uxorem suam ex una parte et inter Robertum de Gamage et Aliciam filiam predicte Agathe in festo sancti Hylarii anno regni regis [henrici] filii regis Iohannis liiii uidelicet quod predictus Henricus et predicta Agatha ex eorum consensu tradiderunt et dimiserunt totas terras et redditus quas habuit predicta Agatha de dono Nicholai Scissoris patris sui in uilla Oxonie et in suburbio predicto Roberto et predicte Alicie scilicet domum in Sewenestuchene in parochia sancti Petri de Ballio et duos solarios in parochia sancti Martini unum ex parte orientali et aliwn ex parte occidentali in magno uico Oxonie et totum ius de selda in coruasia quam Petrus Godale quondam tenuit a predicto Nicholao Scissore patre predicte Agathe et domum ex opposito aule domini regis in parochia beate Marie Magdalene et duos solidos et duos denarios de domo Randulfi Pageman in parochia sancti Egidii ita uidelicet quod predictus Robertus et predicta Alicia et eorum heredes uel eorum assignati predicto Henrico et predicte Agathe uel eorum assignatis quamdiu uixerint reddent annuatim lx solidos sterlingorum ad quatuor anni terminos scilicet ad Pascha xv solidos et ad Natiuitatem sancti Iohannis Baptiste xv solidos et ad festum sancti Michaelis xv solidos et ad Natale Domini xv solidos Et si contingat quod predictus redditus ad predictos terminos non fuerit solutus licebit predicto Henrico et predicte Agathe uel eorum assignatis quamdiu uixerint in omnibus predictis tenementis habere liberum introitum et exitum sine omni impedimento et contradiccione ad distringendum et namiandum de die in diem quousque plenarie satisfactum sit Et si contingat quod predictus Henricus et predicta Agatha domum in Sewenestuchene uelint inhabitare licebit eis sine aliqua contradictione quamdiu uixerint ibidem manere pro duabus marcis quolibet anno ita uidelicet quod ille due marce computentur et locentur infra predictos lx solidos Et ut hec conuencio rata sit et stabilis predicte partes alternatim in modum cyrographi sigilla sua apposuerunt hiis testibus Iohanne de Coleshulle tunc maiore Oxonie et Galfrido Aurifabro et Philippo de Ew tunc balliuis Nicholao de Kyngestune Galfrido de Hengesheye Adam filio Walteri Andrea de Durham Iohanne Culuerd Ricardo de Cantuaria Helya le Quilter Henrico filio Milonis Iohanne Filekyng et multis aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.