Sciant presentes et futuri quod ego Iohanna filia Thome le Cordwaner de Oxonia dedi concessi et quiete clamaui fratri Waltero magistro domus sancti Bartholomei extra villam Oxonie et fratribus eiusdem loci deo seruientibus unum celarium et solarium cum una placea exceptis duabus seldis cum libero introitu et exitu que 1265 habui in parochia Omnium Sanctorum ex opposito cimiterii ecclesie Omnium Sanctorum et de quibus predicti fratres solent habere sex solidos per annum pro redditu suo habend et tenend predicta celarium et solarium et placeam cum pertinenciis suis predictis fratribus ita [quod] ipsi possint edificare in predicta pro voluntate sua reddendo inde annuatim michi et heredibus meis duos solidos predicti fratres ad duos terminos anni etc pro omni servicio exaccione demanda et secta Et ego etc Pro ista autem donacione etc dederunt michi dicti fratres octo solidos et duos denarios Ut igitur etc hiis testibus Nicholao de Stocwell tunc maiore Oxonie Willelmo de Ho Galfrido le Mercer ballivis Oxonie Galfrido de Henton Galfrido Aurifabro Waltero Aurifabro Iohanne Pady Rogero de Comenor et multis aliis

Source Fulltext: Oriel College Records. C. L. Shadwell and H. E. Salter. Oxford Historical Society, V.85. Oxford Historical Society. Clarendon Press. Oxford. 1926.