Sciant presentes et futuri quod ego Emicina de Morteyn pro salute anime mee concessi et presenti carta mea confirmavi et omnino pro me et heredibus meis quietum clamavi deo et ecclesie beate Marie de Parco Stanley et canonicis ibidem deo servientibus et servituris totam terram et tenementum quam habent ex donacione Galfridi de Dethek de feodo meo in villa et territorio de Stanton[] habend et tenend sibi et successoribus suis de me et heredibus meis libere quiete bene pacifice in liberam et perpetuam elemosinam inperpetuum reddendo inde annuatim mihi et heredibus meis quatuor solidos argenti ad duos anni terminos debitos et consuetos pro omni servicio seculari exaccione et demanda et pro omnibus que mihi vel heredibus meis pertinent vel pertinere poterunt inperpetuum salvo scutagio tantum Et ego dicta Emitina de Morteyn et heredes mei totam predictam terram et tenementum cum omnibus pertinenciis suis que dicti canonici habent de feodo meo in villa predicta dictis canonicis et eorum successoribus per predictum servicium contra omnes gentes warantizabimus inperpetuum In cujus rei testimonium presenti scripto sigillum meum apposui Hiis testibus domino Roberto de Morteyn filio meo magistro Ricardo de Morley Waltero de Bakepuz Galfrido de Dethek Elia de Oddeston Willelmo de Teveray Roberto de Muschamp in Stanton et aliis Acta apud Nothing[] die lune proxima post festum sancti Martini anno gracie millesimo ducentesimo septuagesimo secundo

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.