Omnibus Christi fidelibus ad quos presens scriptum pervenerit Johannes Dei gratia Norwic[] episcopus salutem in domino Noverit universitas vestra nos dedisse et concessisse et hac presenti carta confirmasse dilectis filiis nostris monachis Norwic[] manerium nostrum de Cressingham cum omnibus pertinentiis scilicet terris homagiis servitiis pratis pascuis brueris molendinis vivariis piscariis turbariis libertatibus et consuetudinibus perquisitionibus placitis auxiliis et omnibus aliis sine ullo retenemento sicut unquam nos vel aliquis predicessorum nostrorum melius et plenius et liberius habuimus in dominio nostro exceptis advocatione ecclesie eiusdem ville et servitiis militariis in eadem villa vel pertinentiis eiusdem ville que remanent nobis et successoribus nostris Ita quod nec nobis nec alicui successorum nostrorum nec ballivis nostris nec alicuius successorum nostrorum liceat inde aliquid accipere vel exigere vel aliquo modo se intromittere salva nobis et successoribus nostris in manerio illo auctoritate et dignitate quam habemus in aliis maneriis eorumdem monachorum Predicti vero monachi dederunt et concesserunt in excambium huius manerii et huius donationis totum laicum feodum quod pertinebat ad prioratum de Lin[] tam in villa de Lin quam extra cum terra Alberti qui solvebat annuatim duas marcas nobis et successoribus nostris perpetuo possidendum liberum et quietum ab omni reclamatione et exactione prioris et monachorum preter hagelose quod ipsis monachis remanebit imperpetuum Et ut hec donatio et concessio rata imperpetuum perseveret eam presenti scripto et sigilli nostri appositione corroboramus Testibus Johanne de Corneies Nicholao de Limeley Hugone de Munteni Ricardo Sturmin" Waltero de Langed [] magistro Rogero forestario Roberto de Newtone Ricardo portario Thoma pincerna Henrico Gernun Rogero de Beccles " Willelmo de Granario Ricardo forestario Dat[] apud Norwicum per manum magistri Galfridi de Derham sextodecimo kalendas Junii pontificatus nostri anno quinto

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.