Universis sancte matris ecclesie filiis ad quos presens scriptum pervenerit Johannes Dei gratia Norwic[] episcopus salutem in domino Noverit universitas vestra quod cum primo convenisset inter nos et dilectos filios nostros W priorem et monachos Norwic[] per cartam que sic incipit Omnibus Christi fidelibus ad quos presens scriptum pervenerit Johannes Dei gratia Norwic[] episcopus salutem in domino Noverit universitas vestra inter nos et dilectos filios nostros W priorem et monachos Norwic[] taliter convenisse quod ecclesie de Seccheford[] et de Wycton[] remanebunt monachis in proprios usus in perpetuum possidende Ecclesie vero de Blycling[] et de Hildelveston[] et vicarie perpetue de Hemmesby et de Hyndringeham de cetero conferentur de communi assensu nostro et successorum nostrorum et prioris et conventus Norwic[] et cetera Demum illi prime conventioni pro parte renuntiatum fuit et postmodum convenit inter nos et eosdem W priorem et monachos per cartam cuius tenor sic incipit Omnibus sancte matris ecclesie filiis J Dei gratia Norwic[] episcopus salutem in domino Cum a primaria mundi constitutione et angelorum procreatione Deo patri pacis auctori placuisse constat pacis tranquillitatem eidem quoque manifestum est omnem discordiam et pacis turbationem displicuisse Sane angelis et cetera Ne igitur processu temporis aliquorum malignitate per primam conventionem in aliquo debeat vel possit posteriori derogari universitati nostre auctoritate presentium protestamur ultime conventioni per omnia standum esse et ipsam firmiter in omnibus debere observari Hiis testibus magistro Galfrido de Neketon[] magistro Edmundo de Sancto Amando Germano de Bradested[] Alano de Wepsted[] Rogero de Hampton[] Data per manum nostram iii nonas Novembri apud Burewell[] pontificatus nostri anno xii

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.