Omnibus sancte matris ecclesie filiis presens scriptum visuris vel audituris Simon Dei gratia Norwic[] episcopus[] salutem in domino sempiternam Noverit universitas vestra nos divine intuitu pietatis dedisse concessisse assignasse et presenti carta nostra confirmasse dilectis filiis nostris priori et conventui ecclesie sancte Trinitatis Norwici ecclesiam de Bliclinghe cum omnibus ad eam pertinentibus ad opus celerarie sue in proprios usus perpetuo possidendam ad prebendam hospitium emendandam salvo nobis et successoribus nostris inperpetuum jure pontificali et parrochiali Indulsimus etiam quod cum istam ecclesiam vacare contigerit liceat predictis priori et conventui vacuam eiusdem ecclesie possessionem ingredi presenti hac auctoritate a nobis eis indulta Et facient in eadem ecclesia competenter ministrari per capellanos suos pro sua voluntate rationabili amovendos et admittendos In cuius rei testimonium presenti scripto sigillum nostrum fecimus apponi Hiis testibus magistro Ada de Waleton[] officiali nostro magistro Johanne de Wigorn cancellario nostro magistro Johanne de Wythio magistro Stephano de Strumeshagh[] senescallo nostro Roberto de Wovetot Johanne Tebaud Johanne clerico capelle nostre et aliis multis clericis et laicis fidedignis Data apud Hoxen xiii kalendas Junii anno gratie millesimo ducentesimo sexagesimo quinto pontificatus nostri anno octavo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.