Universis Christi fidelibus presentes litteras inspecturis vel audituris Rogerus permissione divina Norwicensis episcopus salutem in domino sempiternam Ad universatis vestra noticiam tenore presentium volumus pervenire quod nos accedentes[] dignos hospitalitatis fructus quibus proficientes in eadem non solum temporali sed eterna premiantur retributione ecclesiam sancti Gregori de Norwico in qua religiosi viri prior ecclesie sancte Trinitatis Norwici et eiusdem loci conventus jus optinent patronatus cedente vel decedente rectore eiusdem priori et conventui predictis pie duximus concedendam Ita quod fructus et proventus quicumque ex dicta ecclesia provenientes officio hostilarie assignentur et per manus obedientiarii in eadem disponantur in proprios usus hospitium convertendum Salvis in omnibus Norwici ecclesie jure et dignitate sententiam excommunicationis proferentes in omnes illos qui fructus ecclesie supradicte in usus prenotatos hac nostra concessione deputatos in aliam speciem mutaverint pietatis In cuius rei testimonium presentibus sigillum nostrum apponi fecimus Data apud Northelmham sexto kalendas Septembris anno domini m cc septuagesimo sexto

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.