Omnibus Christi fidelibus presens scriptum visuris vel audituris magister Thomas de Skerning salutem in domino sempiternam Ordinationem venerabilis patris domini Rogeri Dei gratia Norwic[] episcopi inspeximus in hec verba Universis Christi fidelibus ad quos presens scriptum pervenerit [r] miseratione divina Norwic[] ecclesie minister humilis salutem in domino sempiternam Considerantes pericula que pluries vento tumultibus et aliis tempestatibus hactenus capelle sancti Alberti ultra portam monachorum sancte Trinitatis Norwici acciderunt et honestatem loci quo divina celebrari debent misteria pariter intuentes de assensu et consensu prioris sancte Trinitatis Norwic[] et eiusdem loci conventus patronorum dicte capelle sancti Alberti et ecclesiarum beate Marie de marisco et sancti Cuthberti sicut utilitati et commoditati pariter et honestati dictarum ecclesiarum prospiciamus duximus ordinandum ut parrochiani capelle sancti Alberti tam intra septa religiose domus sancte Trinitatis Norwic[] quam extra existentes ad ecclesiam beate Marie de marisco veniant et ibidem audiant divina et in prestationibus decimarum obventionum et oblationum ac aliorum jurum parochialium dicte ecclesie beate Marie et rectori eiusdem sint intendentes et obedientes et parochiani dicte ecclesie beate Marie de marisco ecclesie sancti Cuthberti in decimarum prestationibus oblationibus et proventibus et ceteris juribus parrochialibus intendant et obediant Quaquidem ordinatione volumus et ordinamus ut dicta ecclesia beate Marie de marisco sit exempta a jurisdictione archidiaconorum et decanorum et parrochiani eiusdem sicut prius fuerunt liberi per capellam sancti Alberti sic sint inposterum et ut in parrochianis ecclesie beate Marie de marisco adjunctis ecclesie sancti Cuthberti archidiaconi et decani suam jurisdictionem prout hactenus consueverunt exerceant Nos igitur juxta ordinationem premissam magistrum Simonem de Skerning ad ecclesiam beate Marie de marisco predictam per priorem et conventum sancte Trinitatis de Norwico patronorum eiusdem presentant nobis loci diocesis admisimus et eundem in eadem juxta ordinationem nostram premissam canonice rectorem instituimus salvis et omnibus jure et dignitate Norwic[] ecclesie In cuius rei testimonium presentibus litteris sigillum nostrum apposuimus Data apud Suth[] vj idus Augusti anno domini millesimo cc lxx secundo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.