Wir Ludowig von gotes gnaden Romischer keyser ze allen ziten merer dez richs. Verj|iehen und tun kunt offenlichen an disein brief allen den, die in sehent oder horent lesen, daz fur uns \ chomen die wisen liit . . der burgermaister . . der rat und . . die burger gemainlichen ze Ezzelingen unser || lieb getriwe, und taten uns kunt, daz in unserer vorgenanten stat also herchomen wer, daz die schencken, die di zaphen ziehent, ubersagt haben umb ieglich frevel, die daz geriht und . . den schultheizzen an gand. Und wan uns daz niht redlichen duncht, noh unserer stat nutzlich noh ftiglich ist, so nemen wir daz selbe ubersagen abe von unserm keyserlichem gewalt fur uns und unser nahchomen an dem riche, also daz die selben schenchen furbaz dheinerlay gwalt oder maht niht haben sullen, noh nieman umb sogetan frevel ubersagen. Und wellen, daz die richter umb saemlich frevel ubersagen und sich erchennen, als reht ist, und als si umb ander sache tund und sprechend. Und dar uber ze urchund geben wir in disen brief mit unserm keyserlichen insigel ver- sigelten.

Nah Kristes geburt driuzehenhundert iar, dar nah in dem siben und viertzigestin iar, in dem drei und dreizzigestin iar unsers richs, und in dem zwainzigestin dez keysertumes.

Kausler aus dem orig. im staatsarchive zu Stuttgart. Das wohl erhaltene maiestfttssiegel mit gegensiegel hangt an pergamentstreifen. — Reg. Lud. nr. 3556.