Wir Friderich von go tes genaden Römischer künig allezit ein merer des riches, und wir Liupolt von |j denselben genaden hertzog ze Oesterich und ze.Styre, ein herre zeKreyn, uf der Marche und ze Portnow, | grave ze Habisburch und ze Kyburch und ein lantgraf in obern Elsaz. Veriehen und tuen kunt || allen den, die disen brief ansehent oder hörent lesen, daz wir uns und alle unser bruder darzu gebunden hant, swa daz geschähe, des wir uns niht versehen, daz den edelen mannen graven Ulrichen von Helfenstein und graven Iohans sinem sun das phant, daz wir inen an Spitzenberch und an Kuchen und swaz darzû gehöret gesetzzet hant umb driutusent phunde haller, umb ir dienst, darumb si.ouch vor stünden graven Eberhart von Wirtenberg von dem rieh, der sin reht ouch inen geben hat, nah den briefen die dar über gemachet sint, mit reht an werde gewinnen, da sou wir inen und iren erben daz selbe phant wider legen an einem als guten, oder aber si der vor genanten driutusent phunde berihten. Und ze einem Urkunde geben wir in disen brief ver sigelten mit unsern insigeln.

Der gegeben ist ze Basel, do man zalt von gotes geburt driuzehenhundert iar und in dem funfzehenden iar, an dem zinstag nach der phingstwoche.

Stalin aus dem orig. im Staatsarchive zu Stuttgart. Das siegel des kSnigs abgerissen, das des herzöge hängt. — Reg. Frid. nr. 312.