Rudolfus dei gracia Romanorum rex semper augustus. Universis sacri Romani im- perii fidelibus, || presentes litteras inspecturis, graciam suamet omne bonum. Meritis sacre feligionis inducimur, ut personas religiosas et || loca benigni favoris et gracie plenitudine prosequentes, eorum commoditatibus favorabilius intendamus. Volentes itaque religiosos || viros . . abbatem et conventum monasterii de Hemmenrode, ordinis cysterciensis, dilectos devotos nostros, speciali apud nostram clemenciam prerogativa gaudere, monasterium ipsum, personas domino ibidem famulantes, et eorum universa bona sub nostra et imperii protectione atque conductu recipimus speciali, eisdem ex uberiori gracia nostra et libera- litate regia indulgentes, ut omni tempore vite nostre annonam, vinum et alia universa eorum bona, ad ipsorum usum et sustentacionem pertinentia, in rebus quibuscumque, as- cendendo et descendendo per Reni et Moselle alveum ante loca et thelonea nostra universa iidem religiosi ac eorum nuncii absque aliqua exactione thelonei libere deducere valeant et quiete, theloneariis in ipsis locis existentibus tenore presencium districte precipientes, ut eorum conversos vel nuncios cum bonis ipsis, utdictum est, permittant sine theloneo libere et pacifice pertransire ac ipsos promoveant super hiis favorabiliter et benigne. Insuper mandamus et precipimus universis, ut eosdem abbatem et conventum super eorum bonis non presumant aliquatenus molestare, sed ipsos efficaciter promoveant auxilio et favore. In cuius rei testimonium presens scriptum nostre maiestatis sigillo fecimus communiri.

Datum apud Wizenburch, non. aprilis, indictione tercia, -anno domini millesimo du- centesimo septuagesimo quinto, regni vero nostri anno secundo.

SignUm domini Rudolfi Romanorum regis invictissimi. (M.)

Aus dem orig. zu Trier. Das siegel in grunem wachs an griinen schniiren ist wohJerhalten.

— Reg. Rud. m*. 168.