Wir Iohans etc. Veriehen etc., daz für utfs und unser liebeu gemahelen Margreten, hertzogin ze Chernden und der vorgenanteu grafschafft und gotshewser uns ewen wirdik, chom unser getrewer Hainrich von Annenberch und voderte au uns seineu lehen und pat uns, daz wir im die verlihen. Die lihen wir im und haben im si gelihen in allem dem rech ten, als er si herpraht und gehabt hat. Er lie uns auch ein hantfest sehen und hören, die im weilent unser säliger herre und sweher geben het, dem got genad, deu von worte ze wort stünt, als hernach an disem prief geschriben stet:

Wir Hainrich von gotes gnaden etc. Veriehen an disem prieve, daz wir uusern ge- trewen Hainrich von Annenberch purchgraven ze Tyrol überhobt haben der vogtay, deu uns gevallen solte von einer halben hueben, deu weilent was Ulrich Alb. sun von Parch- sinds, und von einer halben hüben, deu was Nykelleius chinden von Guttroun, und von einer halben hüben auf der ober ebn, deu auch, was des vorgenanten Nikelleins chinde von Guttroun und Berhtoldes von Awre, als lang als wir ander unser edel leute sämleicher vogtay uberheuen wellen, und darnach als lang wir wellen und niht lenger. Mit urchunde dises prieves versigelt mit unserm hangenden insigel. Der ist geben auf sand Zenenberch, nach Christes geburte dreuzehen hundert iar, dar nach in dem siben und zwainzigisten iarë, an sand Iacobstag in dem äugst.

Nu haben wir angesehen seine getrewe dinste, die er uns getan hat und haben die vorgenanten vogtayen auz den vorgeschriben guten im und allen seinen erben ewichlichen verlihen für uns, unser erben und nachchomen in allen den rehten, als er andrew seinew lehen her gehabt hat. Auch haben wir gesehen und gehört einichleich und gemainleich alle seine prieve und hantfesten, die er von uns, unser vodern und von unserm säligen herrén chunik Hainrich ze Peheim und herczogen in Chernden gehabt hat und von andern leuten, die wir gereht funden haben au allen iren artikeln, punten, orten und chreften an allen sachen. Und darumb haben wir im bestätigt alle seine prieve und hantfesten gemain- lich und iegleicheu besunderlich. Daz ist geschehen mit willen und rate unsers lieben prü der hern Karls, wan er vollen gewalt hat von unserm lieben herrén und vatter chunik Iohann von Beheim, als von einem gerhaben unser und unser liebeu gemaheln ; wir habens auch getan mit unsers rates rat, waz an disem prieve geschriben stet, daz im und seinen erben und nachchomen daz stät beleihe und unzerbrochen ewichlich von uns, unsern erben

REICHSSACHEN. 1236 MABZ 26. 731

und naclichonien. Ze urchund der warheit haben wir und unser gemahel und unser pruder her Karl unsereu insigel gehenget an diesen prief.

Dez sint gezeug: HerNycol. der chantzler, Volchmar von Purchstal etc, Chunr. der Mulser, her Dyetrich pharrer ze Halle, Albert und Fridrich die priider unser schreiber und ander erber l&ut.

Actum in Tirol, rn.ccc.xxxvi., die niartis -ante diem pasce, ind. iiii.

Aus gleiohzeitigem conceptbuche, Tirol nr. 16, im staatsarcbiTe zu Wien.