Albertus dei gracia Romanorum rex seinper augustus. Viris prudentibus . . sculteto . . consulibus et civibus Winipinensibus, . . advocatis ceterisque imperii Romani fidelibus, ad quos presentes pervenerint, graciam suam et omnc bonum. Sedula et sincera virorum honestorum .. canonicorum Wimpinensis ecclesie devotonuu nostrorum dilectorum devocio, qua se celsitudini nostre student in gracia reddere speciales, benignitatem .allicit regiam et inducit ad sua iura et cominoda specialius et graciosius prosequenda. Ilinc est, quod eorumdem canonicorum quieti et paci cum efFectu intendere cupientes volumus et conce- dimus per presentes, ut iidem canonici in domibus, quos ipsi vel vicarii eorum inhabitant in Wimpina, libertatibus, iuribus, honoribus, consuetudinibus, securitate vel graciis quiete gaudeant et fruantur, quibus dive recordationis domini Rudolfi Romanorum regis, genitoris nostri carissimi, et predecessoruin suoruin regum et imperatorum Romanorum illustrium temporibus sunt gavisi. Mandantes vobis universis et singulis, quatinus prelibatos cano- nicos etvicarios eorundem contra predictas libertates, consuetudines, iuravel gracias gra- vare, impedire vel offendere nullatenus presumatis, sicut indignationem regiam volueritis evitare. In cuius rei testimonium has litteras sigillo nostro regio duximus roborandas.

Datum in Ezzelingen, iiii. kal. ianuarii, anno domini m.ccc, indictione xiii., regni vero nostri anno secundo.

Aus dem copialbuche des stifts Wimpfen sec. 14 in Darmstadt. — Reg. Alb. nr. 250.