Ludowicus dei gratia Rouianorum imperator augustus. Universis et singulis archi- episcopis et episcopis, abbatibus et prioribus, prepositis, decanis, plebanis et aliis eccle- siarum prelatis, nec non secularibus principibus, ducibus, marchionibus, comitibus, baro- nibus, advocatis, vicedominis, scultetis, potestatibus, rectoribus, iudieibus et officialibus provinciarum, civitatum, terrarum Romano imperio subiectarum, et ipsarum civitatum in- colis quoque, habitatoribus ac omnibus et singulis Christi fidelibus tam ecclesiasticis quam secularibus in Almania constitutis, ad quos presentes pervenerint, gratiam suam et omne bonum. Cupientes in publicam omnium vestrum deduci noticiam, nostros imperiique fideles, videlicet burgenses civitatis Gotschlarie, ad nostre maiestatis [noticiam] deduxisse, ipsos pressuras diversas nec non iniurias pati multiformes specialiter in hoc, quod aliqui eos suis feodis illicite privare presumant et attemptant, presuponentes quod hoc iure quod vulgo herschilt vocatur careant, et huius occasione dictis feodis suis uti non debeant, sed carere. Quod nos non inmerito exigentibus constitucionibus sacrarum legum, quibus a nobis et a nostris predecessoribus elegantissime privilegiati sunt, contradicimus presentibus recla- mantes, volentes hoc omnino fore iritum et inane, cum iidem nostri et jmperii fideles nobis et predecessoribus nostris tot et tanta pro persecucione emulorum nostrorum et imperii fecerint obsequia, que proprie herstiur appellamus. Volentes preterea eos in ipso iure her- schilt nuncupato quo ad omnia feoda tam a dominis superioribus, ad quoscunque per ali- cuius sui inferioris obitum devoluta fuerint, recipienda, habenda et tenenda habiles, dignos et incolumes et firmiter conservari, ita quod occasione huius obiectionis iam attemptare emunitates, libertates et iura, ipsis iuste et rite de benignitate imperiali concessas vel con- cessa, nullus audeat infringere, nec cuique collatorum suorum dicere licebit et inpingere, quod iure supradicto herschilt oareant, de quo ipsis collatio bonorum suorum feodalium differri debeat quomodolibet vel negari, sed eo militaribus debebunt eque frui. Nblumus eciam, quod aliquis collatorum burgensium nostrorum et imperii predictorum, sive sit per- sona ecclesiastica vel secularis, cuiuscunque condicionis existat, de quo feoda sua hactenus tenuerant adhuc et habeant, ipsos ad aliquem inferiorem sibi collatorem transponere pre- sumant, sed pocius ad superiorem vel saltem sibi dignitate probabili coequalem. Vos attente requirimus presentibus et rogamus, vobis universis et singulis sub obtentu gracie nostre precipiendo mandantes, ut si qui ausu temerario aliquo premissorum presumpserit contraire vel sepedictos Gotschlarienses occasione herschildes, quo eos semper gaudere volumus, molestaverint quovis modo, bannum imperialem gravemque nostre indignacionis offensam se noverint incursuros, quilibet iuxta suum posse eosdem de huiusmodi molesta- cione defendere studeatis fideliter et tueri, sic promtos et benivolos exhibentes in premissis, ut abinde generosius vestros vestrorumque profectus tendamus et honores.

Datum in Stouff, tercia die mensis novembris, anno domini m.ccc.xl, regni vero nostri anno vicesimo sexto, imperii vero tercio decinio.

Volger aus dem in zwei exemplaren vorhandenen orig. im archive zn Goslar. Contrasiegel an griinseidener schnur. — Reg. Lud. nr. 2119.