Wir Ludewig von Vianden, probest zu Munster in Eyflen, duri kunt allen luden uud erkennen offenliche an disem brive, das wir dem erwirdigem in gote vater und heren un- serm heren Baldewine, ertzbischofen zu Trire, sullen dinen, helfen und raden, und sunder- liche zu der reyse, die das heilege Romesz riche und den kunig von Engelland, der helfer er ist, an get wider das kunigriche von Francriche, biz das eine sune zcwszen den vorge- nanten partyen gentzliche gemachet und vollebracht wirt, mit zwentzig edeln mannen (ste- diklichen rittern und wol geborn knechten) gewapent mit helmen wol geriden und erzuget. Und sal uns dar umb der vorg. unser here von Trire geben vor ieden ritter derselben lute hundert guldenen, und vor den edeln knet seszig gulden cleiner von Florentze oder den wert dar abe, und von iedem manne der vorgenanten zcwentziger achtzehne der vorgenanten cleinen guldenen zu solde zu iglichem mande, die wile wir mit den vorg. zwentzig inannen mit unserm vorg. heren sin in der reyse. Und sal uns unser vorg. here von Trire den solt von einen mande vor bezalen, ee wir in die reyse riden, und dar nach alle zit zu angenden itliches mandes. Und sal uns auch das ander gelt halb geben, ee wir in die reyse riten, und das ander halbe teil nach der reyse zu den ziden und mit solichein pagamente, beyde vor und auch nach, als irae der vorg. kunig von Engilland bezalet. Und en sulleu wir hie enbinnen wider den vorg. unsem heren von Trire nit dun, sunder wir sullen ime dinen getruweliche, wo er unser bedarf und iz an uns gesinnet. Were iz auch das unser vorg. here von Trire von dera egen. kunige von Engillant nit geldes enphinge, oder das die reyse nit vollenginge, oder das wir unserm egen. heren, als vor begriffen ist, nit vollen dieneten, was wir dan geldes von ime enphangen hetten, das sullen wir ime widertun und erstaden, und sin das schuldig zu dune nach drier siner frunde rade, die er dazu schicket. Alle dise vorgescribenen stucke und ir itliches han wir vor uns und unser erben gelobet in guden

744 REICHSSACHEN. (1339 FEB. 3.)

truwen an eides stat, und geloben sie auch an disen brive stete und veste zu haldene und zu vollenfurene, allerley argelist und geverde usz gescheiden. Und diser dinge zu Ur kunde etc.

Ficker ans dem concepte im conceptbuche des Rudolf Lesse Ы. 15 im аг�?Ыте zu Darmstadt, — Vgl. Dominicus Baldewin 374 einen auszug aus dem orig. zu Coblenz. welches wesentlich diesem concepte zu entsprechen scheint: daher ist das datum entnommen.