Wir Wentzelau von gots gnaden Romischer kunig zu allen ziten merer des riches und kunig zu Beheim. Bekennen etc., das wir durch manigvalde dinste und truwen, die dem allerdurchluchtigisten fursten und heren unsrem allerlibsten heren und vater keiser Karin, uns und dem riche der buigermeister, rate und burger gemeinlich der stad zur Nuwenstad, under Wintzingen gelegen, offt williclich und nutzlichen erzeiget haben und noch dun mugen in kunfftigen ziten, mit wolbedachtem mute, rechter wissen und Romischer kunigelicher mechte von sundern gnaden bestetiget, bevestet, vornuwet und confirmiret haben, bestetigen, bevesten, ernuwen und confirmiren yn und iren nachkoinen, burgern und der stad zur Nuwenstad alle und.igliche ir rechte, friheit, gnaden und gute gewonheit rnid auch alle ire briffe, hantvesten und privilegien, die sie darüber haben von seliger ge- dechtnisse etwenne Romischer keisern und kuninge, und mit nainen dem egenanten unsserm allerlibsten heren und vatter keisser Karlen, also daz sie, ire nachkomen, burger und die stad zur Nuwenstad by denselben iren rechten, friheiten, genaden und guten gewonheiten, brieffen, hantvesten und privilegien ewiclich bliben sullen in allir der masse, als ob alle sulchen brieffe, hantveste und privilegien von wort zu wort in disem geinwurtigem brieff begriffen weren, dartzu wir sie getruwelichen und genediclichen hanthaben, schützen und schirmen wollen. Und gebieten darumb aJlen fursten etc. Mit urkund diz brieves versiegelt mit unserem kuniglichen anhangendem insiegel.

590 WEN/LAW. 1378 MÄRZ 7.

Der geben ist zu Heidelberg, nach Crists geburte drutzehenhundert iare, darnach in dem acht und siebentzigstem iare, des sontages als man singet in der kirchen Invocavit, unsser riche des Beheiinischen in dem funfftzehennden, und des Roinischen in dem an dern iare.

Lehmann aus einem copialbuclie der Stadt Neustadt auf pergament.