Wir Ludowig von gotes gnaden Romischer chunig ze allen zeiten merer des riches. Veriehen offenlich an disem brieve und tun chunt allen den, die in ansehent oder horent lesen, !| daz wir unsern lieben getrewen purgen* von Augsburch, die hie nach geschriben stant, und iren erben, die von den landez lierren von unsern wegen geschadiget seint, ir ieglichem |[ sein schaden schuldig sein und gelten sollen. An dein ersten Berhtold dem iungen Bitschlin, Hainrich Kinthait und ir gesellescheft zwai hundert und funf pfunt und vierzej|hen schilling haller, daz in der Fuhs nam; Otten Reiddestab und Chunrat dem Clochger hundert pfunt augsburger pfenning, die in Gruraat genominen hat; Berhtold auf dem Stain sechzig pfunt und eht und vierzig pfenning augsburger; Iohans von Arben

486 LUDWIG IV. 1317 1AN. 22. ■

niunzehen pfunt haller, die in genommen hantLudowigvon Seldenecke und sin bruder der voget ze Rotenburch; Chunrat dem Sinide von Memmingen, Chunrat lludigers des Lan- genmantel schreiber und ir gesellescheft- driuhundert driu und drizig pfimt augsburger pfenninge umb funfzeheu vas welsche weins, die in unser bruder herzog Rudolf ze Wolf- ratshusen nam, ane den schaden den sei da vqn haben; Berhtold dem Zwickel hundert und ahtzig pfunt haller, dar umb er sein gut lozte, daz im der von Eberstein nam; Lupolt Notysen und seiner gesellescheft driuhundert und sibenzig pfunt haller ane den schaden, den sei da von haben, die in her Ludowig von Rienecke nam; Marquart Ludolt, dem Mo- ringer und Vederlin drittehalp hnndert pfunt .haller; Dyetrich dem Bruwen drittehalp hundert pfunt haller; dem Storen und der Gaylin funf und vierzig tuch, der iecliches vier pfunt haller wert waz, der summe ist hundert und ahtzig pfunt; dem Ruhen drizig pfunt haller; Chimrat Kolbenmachers tohterman funfzehen pfunt haller; Haydvolks sun vierzig pfunt haller, die in allen Gotfrit von Brunecke genommen hat; Marquart Mesener, Chunrat Kolbenmacher und Ulrich der Chaufferin dohtterman zwai hunder pfunt haller, die in Ar- reiz von Briuberch nam; Ulrich Kolbenmacher und Friderich dem Walshover anderthalp hundert pfunt haller ane den schaden, die in der von Rienecke nam; Marquart Kergelin und seim sun vierhundert pfunt haller, die im Iohans von Rechperg nam an Necker-wein. Diz vorgenant gelt globen und gehaizen wir mit guten triuwen den vorgeschriben purgern und iren erben ieclichem nach seiner reitung und alse vil in angeziuhet ze geben und ze gelten von dem ersten gut, daz uns gefallen mag, es sei von landsture, von versetzende oder von verchaufFende oder von welher laye sache uns gut wrde, daz gut gehaizen mag. Des geben wir in ze urchunde disen brief mit unserm chunglichen ingesigel versigelt.

Der geben ist ze Augsburch, des samztages vor sant Pauls tag do er bekert wart, do man zalt von gotes geburt driuzehenhundert iare dar nach in dem sibenzehenden un- sers reiches.

Aus dem orig. zu Miinchen. Siegel abgefallen. — Reg. Lud. nr. 229.