Otto quartus dei gratia Romanorum imperator et semper augustus. Cum ex credito nobis divinitus imperialis maiestatis officio universis dei ecclesiis pacis favorem [debeamus] et defensionem, praecipue curam illarum quas speciali iure pertinere constat [dominio] im- periali, diligere tenemur et fovere. Noverint ergo universi imperii fideles, tam praesentes quam posteri, quod nos ecclesiam sancti Severini cum omnibus suis pertinentiis, et priorem Albertum cum omnibus personis "inibi deo famulantibus, vestigia praedecessorum nostrorum imperatorum imitantes, sub nostrae protectionis speciale patrocinium suscepimus. Sta- tuentes et auctoritate imperiali praecipientes, quatenus nec marchio, nec comes, nec con- sul, nec aliqua sacri imperii persona magna Tel parva, eamdem ecclesiam vel eius priorem aut fratres in possessionibus eoruin et rebus, quas nunc iuste habent, vel in posterum deo autore largiente adipisci poterunt, aliquibus indebitis exactionibus, angaria vel perangaria, vel quolibet alio exactionis modo iniuste inquietare seu molestare praesumat. Si quis vero contra hoc nostrae maiestatis indultum venire attemptaverit, pro poena decem libris auri feriatur, quarum medietas fisco nostro, reliqua vero medietas praefatae ecclesiae et eius priori solvatur.

Datum apud sanctum Severinum, anno dominico tn.cc.xi.*, viii. die intrante mense novembris, indictione xiiii. (S.)

Nach dem drucke: Marangoni Delle memorie sacre e civili dell' antica citti di Novana oggi Civitanova (Rom 1743) s. 255. — Vgl. oben nr. 136. — Nach dem vervollstandigten itinerare war Otto 1211 nov. 9 zu Montennscone; die urk. muss eutsprechend der indiction 1210 ausgestellt sein. Dagegen ergeben sich hier schwierigkeiten wegen des tages aus den nachrichten, wonach Otto schon nov. 11 zu Sora gewesen sein soll, wahrend eine von Assisi 1209 nov. 4 datirte urk. bei Iacobello Storia del monastero di Sassovivo 62 extr. stimmen wiirde, falls sie, wie kaum zu bezweifeln, zu 1210 gehOrt.