Wir Ludewig von gots gonaden Romescher cheiser zu allen ziten merer des richs. Eiibieten den edeln und vestöh mannen Philippen graven von Spanheim und Wernborn von Hoenvels, unsern lieben getrawen, unser huid und allis gut. Wir habent gegeben Wippel von dem Rosgarem unser erste bethe zu der meisterin und dem convent zu sant Ruprechsberg bi Bingen uinb ein pfrund Mechild siner dochter. Nu habent uns geclaget die egenant meisterin und der convent, daz derselbe Wyppel in sin vorgescriben dother wolle antwortin, die zu alt und zu ungefuglich d¿ir zu si, wan si si mit nich geleren mögen. Nu haben wir dem selben Wippel gescriben, daz er in antwort siner dochter ein die bi ach iaren si, und nit darüber, di sollint si enphahen. Sy habent och vo» zwo pfrunde hin gehaizzen den ertzbischofen von Mentze. Daz wollint wir daz si die selben zwo vor hin

506 LUDWIG IV. 1330 AUG. 20.

gebent und gebin mogiiit, und danne dar nach sin docher, di bi ach iaren ist, enphahen. Da von so gebiden wir uch gar vesteclich, und gebident daz auwer icglicher insonderlingen, welcher von der vorgescribin nieistrin und convent wegen werde gemanet, daz ir demselben Wyppel zusprechint, daz- er daz also tu und stät halt. Wolt er ez darüber nit dun, so wollint wir daz ir si danne also vor im schirmeut von unser wegen, das uns die meisterin noch der convent furbaz darum icht ze clage chom. Wir wollint och und gebident uch vesteclich, daz ir die meisterin und den convent beschirment vor allen den di si mogint oder gerint zu hindern aider zu betrüben an Hb oder an gud, aber an keinen dingen di in schelich mogint gesin von unsern wegen, und daz sollint ir tun als dicke als si uch ze clag chôment. An disen dingen sol keiner dez anders beiden, won welchim under uch zwein, ob der andere nit enmoche, von ir wegen worde geclaget von keim man, daz sollint ir schirmen von unsern wegen als vere als ir iemer mogint.

Der brif ist gegebin zu Basel, an dem montag vor sant Bartholomeus tag, in dem seczehendin iar .unsers richs, und in. dem drittin des cheisertums.

Aus dem copialbuche топ Ruprechtsberg sec. 15 zu Idstein. — Reg. Lud. nr. 3296.