Wir Karl von gots gnaden Romischer kunig zu allen zeiten [merer des riches und kunig zu Beheim]. Bekennen, daz wir dem erwirdigen byschof ze Bamberg, unserm lieben fürsten, und seinem goczhaus umb den getrewen und willigen dinst, den sy uns und dem reich getan haben, gegeben haben und geben in mit disem brif auf unserm und dez reichs zol zu Oppenheim acht und zwenczig hundert mark lotigs silbers. Also daz der vorgenant byschof [und] sein goczhaus zehen schilling auf und von demselben zoll zu Oppenheim mit allen nuczen und rechten, die darczu gehören, sullen innhaben und einnemen an all hinder- ntizz unser und unser nachkomen an dem reich. Und sullen auch derselben zehen schilling nucze und gevell an der vorgenanten hauptsummen nicht abgeslagen werden, di wir in lediclich geben haben von unsern besundern gnaden und libe, die wir zu in haben, alz lang biz wir oder unser nachkomen an dem reiche diselben zehen schilling und ir gevell uncT nuez an demselben zol von dem vorgenanten byschof und seinem goczhaus für di vorge- schriben acht und zwenczig hundert mark lotigs silbers geledigen und gelösen on alle ge- verd. Auch sullen wir denselben zol zu Oppenheim niendert anders legen oder anders wandeln, ez sey den mit gutem willen und wort dez egenanten byschofs oder seins nach- komens byschof ze Bamberg, also daz im dy vorgenanten zehen schilling und ir nuez und gevelle darauf bleiben alz lang, unz wir dieselben zehen schilling von in geledigen und ge losen, als vor ist geschriben. Und ob wir daz teten von vergezzenheit oder von dheinen andern sachen, daz sol dhein kraft noch macht haben. Und geloben auch daz allez bey unsern kuniglichen eren stet ze halten. Mit urchund diss brifs, versigelt mit unserm insigel.

Datum Frankenforden, anno domini m.cccxlix., feria sexta próxima ante Iohannis baptiste, regni nostri anno tercio.

Oestreicher ans einem ältern, nicht näher bezeichneten copialbuche.