Nos Adolfus dei gracia Romanorum rex semper augustus. Recognoscimus et tenore presencium publice protestamur, quod cum illustris Wenzelaus rex Bohemorum, marchio Moravie, dux Cracovie et Sandomerie, decem milia marcarum argenti, que pro dote filie sue filio nostro Ruperto dare tenetur, ratione amicitie preveniendo solutionis terminum debitum in festis assumptionis beate virginis et epiphanie domini proxime nunc venturis proportionabiliter solvere promiserit et pagare, nos terram Plisnensem, videlicet castrum, civitatem seu opidum in Aldenburg, Kemnytz, Zwikgowe et totam terram Plisnensem cum omnibus fasallis, hominibus, bonis feodatis seu nqn infeodatis, iudiciis, theloneis, iuribus et honoribus, ac aliis pertinentiis ad eam spectantibus, eo iure quo ad regem Romanormn spectare seu pertinere noscuntur, nec non Egram civitatem et castrum cum suo territorio, castris, hominibus, bonis feodatis et infeodatis, fasallis, iudiciis, colonis et omnibus solu- cionibus seu iuribus universis, que ad regeniRomanorum pertinere noscuntur, ypothecamus et impignoramus, et ypothecata ac impignorata per presentes assignamus et tradimus dicto W. regi Bohemorum et suis heredibus pro pecunia prelibata. Que tamen impignoracio seu obligatio evahescat et penitus dissolvetur nuptiis inter nostrum filium et ipsius . . regis filiam celebratis. Hoc autem expresse, quod si regi Bohemorum de dominio Egre predicto aliquid iuris competere videbitur seu compatit, et id poterit legittime edocere testibus et instrument^ ac aliis probationibus competentibus, illud sibi dimittemus sine molestia qua- libet et pressura.

Datum Aquisgrani, ii. kal. iulii, anno domini millesimo ducentesimo nonagesimo se- cundo, regni vero nostri anno primo. Aus einer abschrift Wiirdtweins.