Wir Ludwig von gotez gnaden Römischer kaiser ze allen ziten merer dez richs. En- bieten dem edeln man Ulrich graven ze Wirtenberg, unserm lieben lantvogt, unser huid und allez gut. Wir wellen und gebieten dir vestiklich bi unsern hulden, daz du dich aller pfaffen gut, si sien geistlich oder weltlich, die in der lantvogtaye ze Swaben der obern und der nidern gesessen sint und uns nit gehorsam wellent sin mit singen und mit lesen und mit andern sachen, underwindest und underziechest, swa daz gelegen si in steten oder uf dem land, und hab daz inne und núzz ez, alz lang hûntz si uns gehorsam werden. Und wellen und gebieten allen steten in der vorgenanten lantvogtaye ze obern und ze nidern Swaben und andern, wie die genant sient, edelen und unedeln, daz si dich dar an nit irren, besunder daz si dir beholfen sien, wa du dez bedürfest, daz dir diz vorgenant gut werd aun all irrung, ze urkund dizz briefs.

Der gegeben ist ze Mülhusen, dez samstag nach unser frawen tag alz si ze hymel enpfangen wart, do man zalt von Oistes geburt driuzehen hundert iar, und dar nach in dem drizigosten iar, in dem sechzehenden iar unsers richs, und in dem dritten iar unsers kaisertons.

Aus der hs. Hist. prof. 859, ietzt 3264, Commentarius in Hugonem de Bütlingen, sec. 14, Ы. 26, zu Wien. — Beg. Lud. nr. 2980 (und 1199).