Wir Karl von gotis gnaden Romischer keiser ze allen zeiten merer dcs reichs und kunig ze Beheim. Em bieten dem schultheizzen, deiu burgermeister, dem rat und den bur- gern gemeinlichen der stat ze Ha genow, unsern und des reichs lieben getrewen, unser huld und alles gut. Uns ist von ewem wegen zujjwizzen worden, daz ir grozzen gebresten und ungemach habet, und sunderlich daran, wo ewer stat lute in vreyen steten oder in der herren stete oder dorfern ze tod erslagen worden oder gewndet werden, daz legen si euch ab und pezzern ewch daz, wi sie dez verlustet und wie sie wollen, und wen yemand fremdes von ewern leuten erslagen oder gewundet wirt, den pezzert ir an ir leib und allen seinem gut, daz uns gar unibillichen und unrecht dunket. Darumb tun wir euch die besuuder gnad von unserm keiserlichem gewalt und wollen, daz ob sache wer, daz yemand in ewer stat uswendig lute erslugen oder wundeten, daz man den pezzeren und ablegen sol, als man ewern luteu, die wunt oder erslagen werden, in andern vreyen steten oder herren steten oder dorfern ableget.und pezzert und nicht anders. Mit urkund dicz briefs versigelt mit unserm keiserlichem insigel.

Der geben ist zu Prag, nach Crists geburt m.ccc.lviii., am sunnabend vor sand Agnesen tag, unser reiche in deni czwelften, und des keisertums in dem dritten iare. Per dominiun . . cancellarium Io. Eysteten.

Aus dem orig. damals im besitze Fichards. Siegel hangt.