Wir Ludowig von gotes gnaden Romisoher keyser ze allen zeiten merer dez richs.

LUDWIG IV. 1341 FEB. 19. 537

Kiinden offenbar an disem brief allcn |j den, die in ansehent oder horent lesen, daz wir unsern lieben dyenern und getrewen Heinrichwalthern* und Eberharden gebriidern von Sultzberg und || Ilermann und Ioh. och gebrudern iren vettem von Sultzberg, umb ir ge- trew dienst, die si uns und dem reich getan habent und noch tun | sullen, schuldig worden sein und gelten sullen zwai hundert marck lotiges .silbers Costentzer gewichtes. Und ver- setzen in und iren erben dar umb gemainlichen unsern und dez refchs Kelnhof in dem dorf ze Tal bei Rynnegk, mit allen rehten, eren, nutzen, frihaiten, ehaften, *altengewonhaiten, und besunderlichen mit dem kirchensatz der kirchen ze Tal, der in den selben hof gehoret, und mit allem dem, daz dar zu gehort, besuht und unbesuht, wie daz genant ist, also daz si den inne haben, ein nemen und niezzen sullen und setzen und entsetzen, als lang biz wir oder unser nahchomen an dem reich den vorgenanten hof mit sinen zugehorden, alsoben benennent ist, von den egenanten von Sultzberg und iren erben ledigen und erlosen. Waer och, daz die von Sultzberg furbaz keinen brief von uns oder unsern vorvaren umb keinerlai satzung dez hofes iendert funden, wie daz kem, den nemen wir abe von unserm gewalt mit disem brief, und wellen niht, daz er kain kraft oder furganch habe, und wellen och niht, daz der hof furbaz nier ste, dann die zwaihundert march. Und dar umb gebieten wir allen unsern und des reichs amptliiten und getrewen, wie di genant sein, vesticlich bei unsern hulden, daz si di dichgenanten von Sultzberg an der satzung dez Kelnhofes ze Tal niht hindern noh irren, noh niht gestatten, daz si iemand dar an irr mit keinen sachen.- Ur- chundes ditz briefs, den wir in dar uber geben ze einem urchunde, versigelt mit unserm keyserlichem insigel.

Geben ze Munichen, an montag vor Mathie, nah Kristes geburt driuzehenhundert iar, dar nah in dem aim und viertzigestem iar, in dem siben und zwainzigestem iar unsers richs und in dem viertzehendem des keysertiimes.

Roth v. SchrecVenstein aus dem orig. im fiirstl. Fiirstenbergischen archiv zu Donaueschingen. Von der besiegelung nur die rothen seidenschniire. — Reg. Lud. nr. 3454.