Wir Ludowig von gots genaden Romischer keyser ze allen ziten merer des richs. Veriehen offenlichcn an disem brief, daz wir umb den genemen dienst, den uns der edel man Götfrid grave ze Dietze getan hat und noch getün mag, frawn Glitten grafinnen ze Dietze, Gerhardes des vorgenanten graven son ze Dietze elichen hausfrawen, gewidemet haben und auch widemen mit disem gaugenwurtigen brief zehen maldir weizes geldes und zehen maldir haver geldes, die gelegen sint in dem dorf zo frien Dietze, die der selb grave von Dietze von uns und von dem riche ze lehen hat'. Dar ueber ze urchunde geben wir ir disen brief versigelten mit unserm keyserlichen insigel.

Der geben ist ze �?Yankenvort, an sant Laurencii abent, nach Christes geburt drui- zehenhundert iar und in dem drin und drizkisten iar, in dem neuntzehentem iar unsers riches, und in dem sehsten des keysertums.

Schiffner aus nicht bezeichneter quelle zu Idstein. — Reg, Lud. nr. 1567.