D.

<1er Vorderung nach, so F. D. unser gnedigister Herr der Schatzung halben thun lassen, haben wir und ander von Stetten im Bryßgow berattschlagt, daß nach Gelegenheit der Leuff und schweren Hendel Ihr F. D. solch Schatzgelt zu disem andern Termin kheiniswegs zu ver- sagen sye; doch mit dieser Condieion, daß sollich Gelt nvendert hin dann zu Straff für die Ungehorsamen geprucht werd, wie dann zuge- sagt worden. Und sind daruff zu nechstem Tag der Stett Ratsbott- schaften mit einandern gen Ensisheim geritten, habendi sich zuvor derst mit den Stetten und Emptern aus dem Sundgow und El- saß diser Sach halb beredt, und darnach unsern gnedigen Herren vom Regiment obgemeldt Antwurt einmündig geben. Das ist zu Gefallen angenomen und diser Bescheid daruff geben, daß jede Statt ihr Anzal Geltz in vierzechen Tagen bereidt machen soll. Für das Ander, nach dem ein merckliche Neuwerung fürgenomen in dem, daß die Etende nit wie von Alter har zusamen beschriben sind, ist den Herren von der Regierung sollich Beschwerung fürgehalten, und daruff gebeten, künff- tiglich die Städte sollichs zu überheben. Darüber habendi die Herren von der Regierung Antwurt geben, daß es nit ihr Fürnehmen, son der F. D. ihr Bevelh geweßt sye. Damit sind die Statt'Botschafften widerumb abgescheiden. Das alles woltm wir Euch uff Euwer Schri ben, diewil Ihr by solchem Tag nit erschinen mögen, nit verhalten, Euch darnach wissen zu richten. Wie Euwer und ander Hendel uff dem Wald standen, habendi wir gar khein warlichen Bericht, bitten so es sich schicket, uns aller Glegenheit zu verstendigen.

Die von Schönaw und Todtnaw mit ihrn Zugewandten sind mit sampt den obern Rinstetten zu den Commissarien gen Stockach gezogen, in Meinung by denselben zu handlen und umb

Gnad zutrwerben; wie ihnen dann uff dem Landtag hie, daby Euwer Bottschafft gewesen, geradten ist worden. Was sie aber geschafft oder ob sie wiederumb anheinusch komen sient, mögen wir nit wissen. Es ist aber uff demselben Wald noch gant z still, anders, dann daß der Handel mit den von Waltzhut nit gericht und daselbs wieder ein Zu- lauff sein soll, wie Ihr on Zwivel wol wissen mögen. Sunst können wir Euch zu disemmal nicht z sunders zuschriben. Erbieten uns damit zu alter guter fründlichen Nachpurschafft, und was uns zukome, das Euch zu wissen nodt wer, das wöllen wir Euch allweg so Tag so Nacht verkünden, dergleichen solt Ihr auch thun. Datum uff den dritten Tag Februar«. An. 1525.