CLXIX.

Episcopo Sarsenati, ut praedictam sententiam pro episcopo Cerviensi contra Ravennates latam firmiter observari fa- ciat, et ne eumdem episcopum vel suos molestent, Ravennates per censuram ecclesiesticam coerceat. Reg. An. VU. ep. 116. Tom. IV. fol. 29.

Gregorius episcopus etc. Venerabili fratri.. . Episcopo Sarxenati, salutem etc. Cum pro venera- bih fratre nostro ... Episcopo et ecclesia Cervien- si Civitas Ravennas esset interdicto supposita, et ... Potestas et Consihum eius excommunicationis vinculo innodati, demum super omnibus, pro qui- bus illi huiusmodi sententiis subiacebant, arbitrio, dicto et ordinationi dilectorum fihorum nostrorum... Penestrini Electi et 0. sancti Nicolai in Carcere Tulliano diaconi Cardinalis, dum in partibus illis legationis officio fungerentur, partes se plenarie commiserunt, coram quibus, cum ex parte Episco- pi fuisset propositum, quod cives Ravennates in ecclesiam suam hostihter irruentes, privilegia, in- strumenta et alia bona eius per violentiam exinde asportarant... Sindicus Civitatis, qui negabat dictam violentiam de mandato Communis fuisse commis- sam, recognovit eam ab eiusdem Civibus esse fa- ctam, et ad satisfaciendum pro ipsa se legatorum ipsorum supposuit voluntati, asserens quod prefa- tum Commune de hiis satisfecerat iam in parte, cumque iidem legati, receptis ab excommunicatis de parendo mandatis ecclesie iuramentis, easdem sentencias per Iudices, qui eas tulerant, relaxari fecissent: Episcopus ipse libello porrecto contra partem adversam compelli petiit Potestatem et Commune predictos, ut salem, quem de iuribus et redditibus Episcopatus percipit, undecumque per districtum eorum ipsum hbere deferre permittant, bannum etiam et statuta relaxent, quod vel que fe- cerant in episcopi et episcopatus predicti preiudi- cium et gravamen, ne videlicet ahquis Cerviensis aut alius salem de Cervia extrahat per terram vel aquam sine hcentia speciah, ac de cetero similia non attemptent. Pono cum hte super hiis contesta- ta dictus Electus a nobis legationis officium in Un- gariam suscepisset, et prefatus Cardinahs ad no

GREGORIUS PP. IX. ANNO CHRISTI 1233. 101

strain presentiam remeasset, nos eidem episcopo et M. illorum Sindico postmodum in nostra presentia constitutis, Cardinalem ipsum super omnibus depu- tavimus auditorem, qui coram se negotio instaurato, visis et auditis utriusque partis rationibus, audito- que consilio sapientum, de mandato nostro senten- tialiter condempnavit Comune prefatum, sicut con- tinetur in publico instrumento inde confecto, ut pro instrumentis et privilegiis per violentiam pre- dictam ammisis mille libras Ravennatis monete, cum dampnum ammissionis eorum tanti extimave- rit idem episcopus per proprium iuramentum, sibi et ecclesie Cerviensi persolvat, eumque, sicut di- ctum est, per districtum suum permittat, nou impe- diendo id per se vel per alios salem suum libere asportare, relaxantes nichilominus banna et statuta predicta, et de cetero similia nullatenus presumen- tes. Nos igitur sententiam Cardinalis ipsius ratam habentes auctoritate apostolica duximus confirman- dam. Quocirca mandamus, quatenus sententiam ipsain facias per censuram ecclesiam, appellatione remota, inviolabiliter observari. Ceterum licet su- per eo, quod petebatur, ut Ravennates desistere cogerentur a molestatione et iniuria Episcopi et ecclesie Cerviensis, et prestare securitatem, ne ipsum Episcopum, clericos sive laicos predicte ecclesie in personis vel rebus offendant, pronmitiatum non fuerit a Cardinale predicto, quia tamen non venit in dubium, quin Ravennates ecclesie memo- rate dampna gravia et iniurias intidisscnt, propter quod ex preteritis violentiis possunt future timeri: volumus, auctoritate presentium iniungentes, ut si- miti censura compellas eosdem cessare de cetero ab iniuriis et molestiis dicti Episcopi et ecclesie Cer- viensis, ac prestare idoneam securitatem, quod ulterius similia non attemptent, et ut prefatum Epi- scopum, familiam eius et ipsius ecclesie clericos in personis vel rebus per se vel alios non offendant, sed eundem Episcopum tibertate ac iuribus suis uti libere patiantur. Datmn Laterani xiui. Kalendas Iunii, Pontificatus nostri anno septimo.