CCCXXXIX.

Eidem regi pontifex de eius studio pro parentela ineun- da inter Siciliae regem et ducem Bavariae gratulatur, hor- taturque, ut copias in Lombardiam mittat, et ad Urbem pro recipiendo diademate imperiali properet. Reg. Bernardi de Neapcli ejp. 91 et 92.

Gregorius episcopus etc. Carissimo in Christo filio Rudolfo Regi Romanorum Illustri, salutem etc. Grata nobis occurrit missarum nuper tuarum se- ries litterarum, que te Regem pacificum manifestans, voluntatem tuam ad pacem et concordiam cum va- riis Principibus, et specialiter cum Carissimo in Christo fiho nostro C. Rege Sicilie Illustri, ex eo paratam et ordinate dispositam, prout tibi frequenti exhortatione suggessimus, apertius reseravit, quod inter Regem eundem et dilectum filium Nobilem virum L. Ducem Bavarie, Comitem Palatinum, in- eunde parentele federa Regalis sollicitudinis studio preparata descripsit. Hec quidem tanto acceptiora Bunt nobis, quanto ea divinis beneplacitis et tuis novimus commodis aptiora: ex hiis namque Re- galis magnificentie solium soliditatis augmenta su- scipiet, tueque virtus potentie quanto quietior, tanto efficacior evidentiori clarebit effectu. Ideoque Se- renitatem Regiam rogamus, monemus et hortamur in domino, quatenus ad talia semper tuum animum dirigens, laudande huiusmodi sollicitudinis tue prin- cipia indefesso proposito sollicite prosequaris. Ce- terum in itinere constituti et vicini iain loco, in quo, ad hoc concorditer deputato, Carissimus in Christo filius noster ... Rex Castelle ac Legionis

Illustris eidem loco similiter iam propinquus no- stram debet adire presentiam, ubi et quando no- bis occurrere debeas, per latorem presentium tibi non potuimus respondere, sed tractatu cum eodem Rege, auctore domino, fehciter consumato, id cel- situdini Regie premittendis propter ea htteris et nuncio curabimus intimare. Datum Aurasice nu. Idus Maii, Pontificatus nostri anno quarto.

Gregorius episcopus etc. Carissimo in Christo filio Rudolfo Regi Romanorum Illustri, salutem etc. Cunctis inopina celeritas, qua in acceleratione tui negotii ad vitanda pericula, que minabatur quevis morosa cunctatio, usi sumus, et gravia scandala, que pro reparatione status Imperii, pro tue conser- vatione iustitie subire nequaquam expavimus, sere- nitatem Regiam instruxisse debuerant, ac efficaciter induxisse, ut et tu sollerter advertens, quam nociva paratis solet esse dilatio, in eiusdem negotii pro- secutione tarditatis cuiusque dispendia sollicitus evi- tares. Et ideo excusationem, quam circa missionem militie ad partes Italie misse nuper tue celsitudini3 httere pretendebant, sumus non indigne mirati, pre- sertim cum tuorum petitio nuntiorum, qui publice tuam potentiam allegantes, ad recipiendum in Ba- silica Principis apostolorum de Urbe Imperiale de nostris manibus diadema festum Ascensionis do- mini tibi petierunt terminum assignari, excusatio- nem huiusmodi non admittat. Si enim sufficientia suberat ad immensas coronationis expensas, prout non solum innuebat dicta petitio, verum etiam ipsi petentes apertius asserebant, quomodo ad modicos sumptus dicte militie pro modico saltem trium vel quatuor ad plus forte mensium tempore insuffi- cientia potest probabiliter allegari? Attende itaque, fili Carissime, quam periculosum foret in ipsis quasi tue promotionis auspitiis tantum revelare defectum, quam facile averti possent per hoc corda fidelium, et quod esset longe deterius ad adversantis vota converti, si eo insistente oblatione munerum, nec a persecutionis instantia desistente, tu illos auxiho tuo destituas, nec eis speratum subsidium militie predicte transmittas. Considera, quantum ex hoc adversarii superbie sue cornua elevarent, quam fa- cile totius Lombardie subversio sequi potest, per quam totalis tui casus negotii forsitan sequeretur, dum adempta tibi facultate prosequendi corone Im- perialis recipiende propositum, omnibus spes de consumatione tui fastigii demeretur. Considera, que via supererit dictum relevandi negotium, si viri- bus aut insidiis persequentis Lombardia succum- bat; profecto incomparabiliter facilius est impeten- tem repellere, quam expellere possidentem: ideoque affectu paterno tuum zelantes honorem, serenitatem Regiam sollicitamus attentius et instanter hortamur, quatenus, si diligis statum tuum, si confusionem extremam vitare desideras, mihtes, de quibus alias tibi suggessimus, ad partes predictas non differaa

192 GREGORIUS PP. X. ANNO CHRISTI 1275.

ulterius destinare. Speramus enim in domino, quod si huiusmodi mittendo militiam idem tuum nego- tium viriliter prosequi videaris, succedet tibi even- tus prosperioris applausus, quem varie coniecture promittunt: cedet adversitas, et aspera convertentur in plana, nec erit opus in illis partibus militiam retinere, vel si res forsan secus exigeret, adversa- riis in persecutione perstantibus, ibi poterit tractari commodius, ut per devotos, si eiusdem militie pre- sentia indigent, ipsi stipendia ministrentur. Scire quidem te volumus, quod propter fratrum nostro- rum, et etiam mercatorum absentiam perquirendo tibi mutuo vacare nequivimus, nec vacandum cre- didimus, ne Carissimo in Christo filio nostro Regi Castelle ac Legionis Illustri, nobis iam valde vi- cino, et infra paucos dies futuro nobiscum, hu- iusmodi tua necessitas non sine grandi tuo peri- culo panderetur. Datum Aurasice mr. Idus Maii, Pontificatus nostri anno qnarto.