DCLXXXIX.

Rectori et thesaurario Patrimonii, ut de concedenda Viterbiensibus grascia se informent. Reg. An. VI. Com. ep. 1040. foL 362.

Iohannes episcopus etc. Venerabili fratri Guit- toni Episcopo Urbevetano Rectori, et dilecto filio Manfredo de Montiliis clerico Ruthenensis diocesis, vice thesaurario patrimonii beati Petri in Tuscia, salutem etc. Pro parte dilectorum filiorum Com- munis et populi Viterbiensium nostrorum et ecclesie Romane fidehum fuit nobis cum instantia suppli- catum, quod cum victualia, que de territorio et districtu eorum proveniunt, propter multitudinem per civitatem Viterbiensem transeuntium ad victum non sufficiant eorundem, eis, quod victualia illis necessaria in terris et locis patrimonii beati Petri in Tuscia emere et ad dictam civitatem Viterbiensem deferre libere absque pena concedere dignaremur. Quia vero de conditionibus eiusdem patrimonii quo ad concessionem huiusmodi nequaquam infor- mationem habemus, discretioni vestre per apostolica scripta mandamus, quatenus vos vel alter vestrum per vos, vel per alium seu alios super hiis, et an dicta concessio propter multas fraudes, que possent in illa committi, vel alias multum preiudicialis no- stre Camere redderetur, vos plenius informantes, et informatione huiusmodi fideliter in scriptis redacta, illam nobis vestris sigillis transmittere non tardetis, Rescripturi nobia alias per vestras patentes Ktteras harum seriem continentes, quicquid in premissis duxeritis faciendum. Datum Avinione nn. Nonas Iulii, Pontificatus nostri anno sexto.